 ᔨᐅᓪᔅ ᒐᐅᑦᑎᔭᐃᐱᓕᕆᕝᕕᖓ ᐆᒪᔪᓕᕆᓂᕐᒧᑦ ᐊᒻᒪᓗ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ ᔨᐅᓪᔅ ᒐᐅᑦᑎᔭᐃ ᐃᓚᒋᔮ ᐱᒋᐊᖅᑎᑦᑎᖃᑕᐅᓂᑯᑦ ᐃᓚᒋᔭᐅᓪᓗᓂ ᐆᒪᔪᑦ ᐊᐅᓚᓂᖏᓄᑦ ᖃᐅᔨᓴᖅᑎᐅᔪᓂᒃ ᐊᕙᑎᐊᓗ ᓇᐅᑦᑎᖅᓱᐊᕆᔭᐅᓂᐊᑕ ᒥᑦᑎᒪᑕᓕᐅᑉ ᐊᑭᐊᖓᓂ ᓯᕗᓕᖅᑎᐅᓪᓗᓂᓗ ᖃᐅᔨᓴᖅᑐᓄᑦ. ᑲᑎᖅᓱᐃᓯᒪᓕᖅᑐᖅ ᐅᖓᑖᓄᑦ 30 ᐊᕐᕌᒍᑦ ᐊᑐᖅᓯᒪᓂᕐᒥᒃ ᖃᐅᔨᓵᖃᖅᖢᓂ ᖃᖑᕐᓂᒃ ᐊᖏᓂᖅᓴᓂᒃ, ᓂᕿᑐᖅᑏᑦ ᑎᖕᒥᐊᑦ ᐊᕕᙵᓪᓗ ᒥᑦᑎᒪᑕᓕᐅᑉ ᐊᑭᐊᖓᓂ. ᖃᐅᔨᓵᖃᓐᓂᕐᒧᑦ ᐱᔪᒥᒋᓗᐊᓲᖏᑦ ᑐᑭᓯᓇᓱᒃᖢᓂᒋᑦ ᐊᒥᓲᓂᖏᑕ ᐊᐅᓚᓂᕆᓲᖏᑦ, ᑭᖑᕚᓕᐅᕋᓱᐊᕈᑎᖏᑦ ᐊᑐᖅᑕᐅᓲᖑᔪᑦ, ᐊᐅᓪᓛᖅᑕᕐᓂᖏᑦ ᐊᒻᒪᓗ ᓂᕿᒋᔭᐅᖃᑎᒌᓄᑦ ᐊᒃᑐᐊᖃᑎᒌᒃᑐᑦ (ᐱᕈᖅᑐᑦ−ᐱᕈᖅᑐᖅᑎᑦ−ᓂᕿᑐᖅᑎᑦ). ᐅᓪᓗᒥ ᖃᐅᔨᓴᖅᑎᓄᑦ ᑐᑭᒧᐊᕆᔨᐅᔪᖅ ᐃᓗᐊᓂ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ ᐊᕐᕌᒍᐊᓂ 2016. | |
 ᑕᒪᓃᒃ ᐴᖅᑕᐅᕐᐱᓕᕆᕝᕕᖓ ᐆᒪᔪᓕᕆᓂᕐᒧᑦ ᐊᒻᒪᓗ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ ᑕᒪᓃᒃ ᐴᖅᑕᐅᕐ ᐆᒪᔪᓕᕆᔨᐅᔪᖅ ᐊᒻᒪᑦᑕᐅᖅ ᓯᓚᑦᑐᖅᓴᕐᕕᖕᒥ ᐃᓕᓴᐃᔨᕐᔪᐊᖅ ᐱᓯᒪᑦᑎᔪᖅ ᑲᓇᑕᒥ ᖃᐅᔨᓴᖅᑎᓄᑦ ᐃᒃᓯᕙᐅᑕᖓᓂᒃ ᐅᑭᐅᖅᑕᖅᑑᑉ ᐆᒪᔪᖏᑕ ᐊᔾᔨᒌᖏᑦᑑᑎᐅᓂᖏᓄᑦ. ᖃᐅᔨᔪᒪᓂᖃᖅᑐᖅ ᐃᓕᖅᑯᓯᕆᓲᖏᓐᓂᒃ ᐆᒪᓂᐊᑕᓗ ᐊᐅᓚᓂᕆᓲᖏᑕ ᒥᖅᑯᖃᖅᑏᑦ ᓂᕐᔪᑎᖏᓐᓂᒃ, ᐱᐅᖅᓱᐊᕆᔭᖃᓐᓂᖅ ᐆᒪᔪᑦ ᐊᔾᔨᒌᖏᑦᑑᑎᐅᓂᖏᓄᑦ, ᐊᒻᒪᓗ ᑐᑭᓯᐅᒪᔭᖃᕋᓱᓐᓂᖅ ᐊᐅᓚᔾᔭᐃᓲᓂᒃ ᑐᑭᒧᐊᕆᕙᓪᓕᐊᓲᑦ ᐅᑭᐅᖅᑕᖅᑑᑉ ᐆᒪᔪᖏᑕ ᐊᐅᓚᓂᕆᓲᖏᓐᓄᑦ, ᐱᖃᓯᐅᑎᓪᓗᒍ ᓯᓚᐅᑉ ᐊᐅᓚᓂᖓ. ᒥᑦᑎᒪᑕᓕᐅᑉ ᐊᑭᐊᖓ ᑐᕌᖓᓗᐊᕝᕕᒋᓪᓗᒍ, ᖃᐅᔨᓵᖃᕝᕕᒋᔭᖓ ᓵᙵᔭᖃᓲᖅ ᓂᕿᓯᐅᖅᑐᑦ ᐃᓕᖅᑯᓯᖏᑦ, ᐊᐅᓚᓂᖏᑦ, ᐊᒻᒪᑦᑕᐅᖅ ᑲᐃᕙᓐᓂᕆᓲᖏᑦ ᐊᒥᓲᓕᖅᑕᖅᖢᑎᒃ ᑎᕆᒐᓂᐊᑦ ᐊᕕᙵᓄᑦ ᒪᓕᒃᖢᑎᒃ. | |
 ᔪᐊᐄᓪ ᐱᐊᑎᐱᓕᕆᕝᕕᖓ ᐆᒪᔪᓕᕆᓂᕐᒧᑦ ᐊᒻᒪᓗ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ ᔪᐊᐄᓪ ᐱᐊᑎ ᓂᕐᔪᑎᑦ ᐊᐅᓚᓂᕆᓲᖏᓐᓄᑦ ᕿᒥᕐᕈᐃᔨ ᖃᐅᔨᓵᖃᖅᑐᖅ ᒥᑦᑎᒪᑕᓕᐅᑉ ᐊᑭᐊᖓᓂ ᑕᐃᑲᙵᑦ 1995. ᖃᐅᔨᓵᖏᑦ ᓵᙵᔭᖃᓪᓗᐊᑕᖅᑐᑦ ᓂᕐᔪᑏᑦ ᐃᓕᖅᑯᓯᕆᓲᖏᓐᓂᒃ, ᐊᒥᓲᓕᖅᑕᕐᓂᕆᓲᖏᑕ ᐊᐅᓚᓂᕆᔭᖏᑦ ᐊᒻᒪᑦᑕᐅᖅ ᐆᒪᔫᖃᑎᒥᓄᑦ ᐊᒃᑐᐊᖃᑎᒌᖕᓂᖏᑕ ᐅᑭᐅᖅᑕᖅᑑᑉ ᓄᓇᐃᓐᓇᖓᓂ. ᒥᑦᑎᒪᑕᓕᐅᑉ ᐊᑭᐊᖓᓂ,ᓯᕗᓕᐅᕆᔪᖅ ᐊᒻᒪᓗ ᓯᕗᓕᐅᕆᔭᖃᑎᖃᖅᖢᓂ ᐊᕐᕌᒍᒐᓴᓄᑦ ᖃᐅᔨᓵᖃᓐᓂᕐᒥᒃ ᐊᔾᔨᒌᙱᑦᑐᓂᒃ ᑎᖕᒥᐊᑦ ᐆᒪᔪᖏᓐᓂᒃ, ᐱᖃᓯᐅᑎᓪᓗᒋᑦ ᑎᖕᒥᐊᑦ ᖁᐱᕐᕈᖅᑐᓲᑦ, ᐃᒫᓃᓲᑦ ᑎᖕᒥᐊᑦ ᐊᒻᒪᑦᑕᐅᖅ ᓂᕿᑐᖅᑏᑦ. | |
 ᑕᒪᓃᒃ ᕙᑕᐅᕐᑲᓇᑕᐅᑉ ᑕᑯᔭᒐᖃᕝᕕᐊ ᐆᒪᔪᑦ ᐊᐅᓚᓂᐊᓄᑦ ᑕᒪᓃᒃ ᕙᑕᐅᕐ ᖃᐅᔨᓵᖃᖅᓯᒪᔪᖅ ᐆᒪᓂᕆᓲᖏᑕ ᐊᐅᓚᔾᔪᓯᖏᓐᓂᒃ ᒥᖅᑯᓕᕋᓛᑦ ᑕᐃᑲᙵᑦ 2009 ᐊᒻᒪ ᐅᓪᓗᒥ ᓵᙵᔭᖃᖅᖢᓂ ᐃᓂᖃᓐᓂᖏᑕ ᑕᒪᒃᑯᐊ ᒥᖅᑯᓕᕋᓛᑦ ᑐᙵᕕᒋᔭᐅᓪᓗᑎᒃ ᓄᓇᐅᑉ ᓂᕿᖃᐅᓯᖏᓐᓄᑦ ᓂᒃᓯᒃᓯᒪᖃᑎᒌᒃᑐᑦ ᐊᐅᓚᓂᖃᖅᖢᑎᒃ ᐅᑭᐅᖅᑕᖅᑐᒥ. ᐱᔾᔪᑎᒋᔭᐅᔪᑦ ᐊᒃᑐᐃᓂᖃᓐᓂᖏᑕᓗ ᑲᐃᕙᓲᑦ ᐊᒻᒪᑦᑕᐅᖅ ᑲᐃᕙᙱᑦᑐᑦ ᐊᔾᔨᒋᔪᓐᓃᕈᓯᖏᑦ ᐊᕕᙵᐃᑦ ᐊᒻᒪᓗ ᐸᒥᐅᕋᓛᓖᑦ ᑐᙵᕕᒋᔮ ᖃᐅᔨᓵᕆᔭᖓᓄᑦ. ᒥᑦᑎᒪᑕᓕᐅᑉ ᐊᑭᐊᖓᓂ, ᑎᑭᓐᓇᓱᒃᑖ ᑐᑭᓯᓇᓱᒃᖢᒍ ᖃᓄᖅ ᐃᓂᖃᕐᒪᖔᖏᑕ ᓂᕿᑐᖅᑎᑦ−ᓂᕿᒋᔭᑦ ᐊᒃᑐᐊᖃᑎᒌᒍᓯᖏᑦ ᐊᐅᔭᒃᑯᑦ ᐅᑭᐅᒃᑯᓪᓗ ᐆᒪᔪᖏᑕ ᖃᓄᐃᑦᑑᓂᕆᓲᖏᑦ ᐊᕕᙵᑦ ᖃᓄᓪᓗ ᐊᒃᑐᐊᓂᖃᕈᑎᖏᑦ ᐊᒃᑐᐃᓲᖑᒻᒪᖔᑕ ᓇᔪᖅᑕᒥᓂᒃ ᐊᑐᓐᓂᕆᔮᓂᒃ. | |
 ᐃᓴᐱᐅᓪ ᓗᐊᕆᔭᓐᑐᑦᑕᕝᕕᖓ ᐃᒪᖅ ᓄᓇ ᐊᕙᑎ ᐊᒻᒪᓗ ᑐᑦᑕᕝᕕᖓ ᖃᐅᔨᓵᖑᔪᓄᑦ ᐅᑭᐅᖅᑐᖅᑐᒥ ᐃᓴᐱᐅᓪ ᓗᐊᕆᔭᓐ ᐃᒪᖃᖅᑐᓕᕆᔨᐅᕗᖅ ᖃᐅᔨᓵᖃᓲᖅ ᑕᓯᕐᓂᒃ ᐊᒻᒪᓗ ᑕᓯᕐᓗᖕᓂᒃ ᐊᒃᑐᖅᑕᐅᔪᑦ ᓄᓇᐅᑉ ᐃᑭᐊᖓᑕ ᖁᐋᖑᐃᓐᓇᓲᑉ ᐊᐅᒍᑎᓂᖓᓄᑦ ᓇᐹᖅᑐᖃᓲᒥᑦ ᓇᐹᖅᑐᖃᕈᓐᓇᖏᑦᑐᒥᒡᓗ ᐅᑭᐅᖅᑕᖅᑐᒥ. ᐃᖅᑲᓇᐃᔭᓕᓚᐅᖅᓯᒪᔪᖅ ᒥᑦᑎᒪᑕᓕᐅᑉ ᐊᑭᐊᖓᓂ ᐊᕐᕌᒍᐊᓂ 2005. ᖃᐅᔨᔭᖃᕈᒪᓯᒪᔪᖅ ᐊᐅᓚᓂᖃᐅᓯᖏᓐᓂᒃ ᑕᒪᒃᑯᐊ ᑕᓯᒻᒥᐅᑕᑦ ᐆᒪᔪᖏᑕ ᐊᐅᓚᓂᕆᓲᖏᑕ (ᑕᖅᑭᖏᒍᑦ, ᐆᓇᔪᓐᓂᐊᑕ ᐊᐅᓚᓂᖓ, ᐆᒪᔪᓐᓇᐅᑎᖃᓐᓂᖓ, ᑕᓗᔭᐅᓯᒪᙱᓐᓂᖓ ᓯᕿᓐᓂᕐᒧᑦ, ᐆᒪᔪᑦ ᐃᓕᖅᑯᓯᖏᑦ ᐋᖅᑭᐅᒪᓂᖏᓪᓗ ᐆᒪᔪᕕᓃᑦ, ᖁᐱᕐᕈᕋᓛᑦ ᐊᔾᔨᒌᙱᑦᑑᑎᐅᓂᖏᑦ) ᐊᒻᒪᓗ ᖃᓄᖅ ᐃᑲᔪᐄᓲᖑᒻᒪᖔᑦ ᓄᓇᕐᔪᐊᑉ ᐊᐅᓚᑎᓲᕆᔭᖓᓐᓂᒃ ᐆᒪᔪᕕᓃᑦ ᐊᖅᑯᓵᕆᔾᔪᑖᒍᑦ ᐆᓇᔪᓕᖅᑎᑕᐅᓇᓱᒋᔭᐅᓲᑦ. | |
 ᓂᑲᓕᔅ ᓚᑳᒻᑎᐱᓕᕆᕝᕕᖓ ᐆᒪᔪᓕᕆᓂᕐᒧᑦ ᐊᒻᒪᓗ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ ᓂᑲᓕᔅ ᓚᑳᒻᑎ ᒫᓐᓇ ᐃᒡᓯᕙᐅᑕᕆᔭᐅᔪᖅ ᑲᓇᑕᒥ ᖃᐅᔨᓴᕐᕕᒃ ᐅᑭᐅᖅᑕᖅᑐᒥ ᐊᒻᒪᓗ ᓄᓇᖓ ᓯᑯᖃᓲᓂ ᐆᒪᔪᓕᒫᖏᑦ ᐊᕙᑎᖏᓪᓗ. ᒫᓐᓇ ᐱᓕᕆᔪᒪᑦᑎᐊᖅᑐᖅ ᓴᕿᑦᑎᕙᓪᓕᐊᓗᑎᒃ ᐊᓯᑦᔨᖅᐸᓪᓕᐊᔪᓂᒃ ᓂᒡᓚᓱᓲᕐᓂ ᐊᒻᒪᓗ ᓄᓇᖓ ᓯᑯᖃᓲᓂ ᐆᒪᔪᓕᒫᖏᑦ ᖃᐅᔨᓇᓱᒡᓗᒋᑦ ᑕᐃᒪᓗ ᐱᓕᕆᓗᒋᑦ ᕿᓚᒻᒥᐅᔪᒃᑯᑦ ᐊᒻᒪᓗ ᐊᑯᓂᐅᔪᒃᑯᑦ ᐊᒻᒪᓗ ᐊᖏᔪᒻᒪᐋᓗᖕᒧᑦ - ᑖᒃᑯᐊ ᐃᓕᓇᓱᒡᓗᒋᑦ ᑕᐃᑲᓂ ᓄᓇᒥ ᐃᓂᖏᓐᓂ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ. ᐆᒃᑐᕋᖅᖢᒍ ᑐᓪᓕᕋᕕᒋᔭᖏᑦ ᐃᓄᐃᑦ ᐊᓯᑦᔩᔪᑦ ᑖᒃᑯᓇᓂ ᐱᒻᒪᕆᐅᔪᓂᒃ ᓄᓇᓂ, ᒥᐊᓂᕆᒍᑦ ᐆᒪᔪᓕᒫᓂᒃ ᐊᕙᑎᓕᒫᖏᓐᓂᒡᓗ ᐊᒻᒪᓗ ᐱᒻᒪᕆᐅᔪᓂ ᐆᒪᔪᓂᒃ ᓲᕐᓗ ᓯᒡᔭᒥ ᑎᖕᒥᐊᑦ, ᑎᕆᒐᓂᐊᑦ ᐊᒻᒪᓗ ᑭᒡᒐᕕᐊᕐᔪᐃᑦ. | |
 ᔪᓴᐄ ᓚᕙᑉᐸᕋᑲᓇᑕᒥ ᐆᒪᔪᓄᑦ ᐱᔨᑦᑎᕋᖅᑏᑦ, ᑯᐸᒃ ᐊᕕᒃᓯᒪᓂᐊᓄᑦ ᔪᓴᐄ ᓚᕙᑉᐸᕋ ᐆᒪᔪᓕᕆᔨᐅᔪᖅ ᐱᓕᕆᐋᖃᖅᓯᒪᔪᖅ ᐃᒪᒻᒥᓲᑦ ᑎᖕᒥᐊᖏᓐᓂᒃ ᑕᐃᑲᙵᓂᑦ 1992. ᐃᓚᐅᓂᖓ ᑲᖑᐃᑦ ᖃᐅᔨᓵᕆᔭᐅᓂᖏᓄᑦ ᐱᒋᐊᕐᓂᑰᓪᓗᓂ ᐃᓱᓕᓕᖅᑎᓪᓗᒋᑦ ᐊᕐᕌᒍᖏᑦ 1990 ᐊᒻᒪᓗ ᐃᓗᐃᑦᑑᓂᖅᓴᐅᔪᒥᒃ ᐃᓂᒥᓄᐋᕋᒥ ᐃᖅᑲᓇᐃᔮᕆᓕᖅᑖᓄᑦ ᑲᓇᑕᒥ ᐆᒪᔪᓄᑦ ᐱᔨᑦᑎᕋᖅᑏᑦ ᐱᓕᕆᕝᕕᐊᓂ ᑕᐃᑲᙵᓂᑦ 2004. ᐃᖅᑲᓇᐃᔭᖅᓯᒪᓂᐊᓄᑦ ᐊᔾᔾᔨᒌᖏᑦᑐᓂᒃ ᓄᓇᐅᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑕᐃᑲᙵᑦ ᐱᒋᐊᓕᓵᕐᒪᑕ ᐊᕐᕌᒍᖁᑎᖏᑦ 2000, ᐃᓚᐅᓂᖓ ᒥᑦᑎᒪᑕᓕᐅᑉ ᐊᑭᐊᖓᓂ ᖃᐅᔨᓴᖅᑐᓄᑦ ᐊᒃᑐᐊᓗᐊᖅᓯᒪᕗᖅ ᑲᖑᐃᑦ ᖃᐅᔨᓵᕆᔭᐅᔾᔪᓯᖏᓄᑦ. ᑖᓐᓇᑦᑕᐅᖅ ᑲᒪᒋᔭᖃᓚᐅᖅᑐᖅ ᐊᔾᔨᒌᖏᑦᑐᓂᒃ ᓇᐅᑦᑎᖅᓱᕈᑎᓂᒃ ᑯᐸᒃ ᐅᖅᑯᖔᖓᓐᓂ (ᐊᒥᓲᓂᕆᓲᖏᑦ ᐅᐱᑉᖔᒃᑯᑦ ᖃᐅᔨᓴᖅᑕᐅᓂᐊ, ᐅᑭᐊᒃᓵᒃᑯᑦ ᑭᖑᕚᓕᐅᕆᓂᖏᓄᑦ ᖃᐅᔨᓵᕆᔭᖓ). | |
 ᐱᐅᕆ ᓚᒐᒡᓇᐅᕐ
ᐱᓕᕆᕝᕕᖓ ᐆᒪᔪᓕᕆᓂᕐᒧᑦ ᐊᒻᒪᓗ ᑐᑦᑕᕝᕕᖓ ᖃᐅᔨᓵᕆᔭᐅᓲᓄᑦ ᐅᑭᐅᖅᑕᖅᑐᒻᒥᐅᑕᑦ, ᓯᓚᑦᑐᖅᓴᕐᕕᒡᔪᐊᖓ ᓚᕚᓪ, ᑯᐸᒃ ᐱᐅᕆ ᓚᒐᒡᓇᐅᕐ ᖃᐅᔨᓵᖃᓲᖅ ᐊᐅᓚᓂᕆᓲᖏᑕ ᑎᑭᑦᑕᓲᑦ ᐃᒪᕐᒥᐅᑕᑦ ᑎᖕᒥᐊᖏᓂᒃ ᑕᐃᑲᖓᓂᑦ 2001 ᐅᓪᓗᒥ ᐱᓯᒪᔪᖅ ᖁᙱᐊᖅᑎᑦ ᐅᑭᐅᖅᑕᖅᑐᒥ ᖃᐅᔨᓴᓲᑦ ᐃᒃᓯᕙᐅᑕᖓ ᐊᒃᑐᐃᓲᖑᓂᖏᓄᑦ ᐆᒪᔪᑦ ᑎᑭᕋᓕᕌᖓᑕ ᐅᑭᐅᖅᑕᖅᑑᑉ ᐆᒪᔪᖏᑕ ᐊᐅᓚᓂᕆᓲᖏᓐᓂᒃ. ᖃᐅᔨᓵᕆᔭᖏᒍᑦ ᐱᓕᕆᔭᖏᑦ ᖃᐅᔨᓵᖃᓲᑦ ᑎᑭᑦᑕᖅᑐᑦ ᑎᖕᒥᐊᑦ ᓂᕿᒋᓲᖑᓐᓂᒃ ᑐᑭᓯᕚᓪᓕᕋᓱᒃᖢᓂᒋᑦ ᐊᐅᓚᓂᕆᓲᖏᑦ ᓇᓚᐅᑦᑖᕋᓱᒃᖢᓂᒋᑦ ᖃᓄᐃᓕᒋᐊᕋᔭᓐᓂᖏᑦ ᐊᔾᔨᐅᖏᑦᑐᒥᒃ ᓴᖅᑮᕝᕕᐅᒍᑎᒃ ᐱᓗᐊᖅᑐᖅ ᓄᓇᔾᔪᐊᓕᒫᖅ ᐅᑭᐅᖅᑕᖅᑐᐊ ᐊᓯᔾᔨᕈᓂ. ᖃᐅᔨᓇᓱᒐᓱᒃᓯᒪᔪᖅ ᖃᓄᖅ ᐊᑐᓂ ᐆᒪᔪᑦ ᓱᖏᐅᑎᕙᓪᓕᐊᓲᖏᑦ ᐊᐅᓪᓛᖅᐸᓪᓕᐊᓪᓗᑎᒃ ᐊᑐᕐᓂᐊᖅᑕᒥᓂᒃ ᓄᓇᔾᔪᐊᖅ ᐅᖅᑰᓯᓂᖅᓴᐅᑎᓪᓗᒍ ᐅᓄᕐᓂᖅᓴᓄᑦ ᖁᐱᕐᕈᖏᑦ ᓂᕆᔭᐅᓕᖅᑎᓪᓗᒋᑦ ᐊᒃᓱᕈᓕᖅᑎᓪᓗᒋᓪᓘᓐᓃᑦ. ᖃᐅᔨᓇᓱᒍᒪᖕᒥᔪᖅ ᓅᑎᕆᕙᓪᓕᐊᓲᖑᓂᖏᑕ ᓂᕆᔭᒥᓂᒃ ᓱᕈᓇᖅᑐᓂᒡᓗ ᓂᕆᓂᑯᖏᓐᓂᒃ ᐅᖅᑰᔪᕐᒥᐅᑕᓂᒃ ᐅᑭᐅᖅᑕᖅᑐᒨᕌᖓᒥᒃ ᓇᒃᓴᖅᑕᐅᓲᖑᔪᑦ ᑎᑭᑦᑕᖅᑐᓄᑦ ᐆᒪᔪᓄᑦ. ᖃᐅᔨᓴᖅᑕᖏᒍᑦ ᐃᓚᐅᑎᑦᑎᒋᕗᖅ ᓄᓇᓕᒋᔭᖏᑕ ᐅᑭᐅᖅᑕᖅᑑᑉ ᐊᖅᑯᑎᖃᖅᖢᑎᒃ ᐊᑐᓕᖅᑎᑦᑎᓂᕐᒥᒃ ᓄᓇᓖᑦ ᖃᐅᔨᓴᖅᑎᖁᑎᖏᓂᒃ ᐆᒪᔪᑦ ᐊᔾᔨᒌᖏᑦᑑᑕᐅᓂᕆᓲᖏᓐᓄᑦ. | |
 ᐃᔅᑕ ᓚᕙᔅᒃᐃᖃᓇᐃᔭᕐᕕᖓᓐᓂ ᐊᕙᑎᓕᕆᓂᕐᒥᒃ ᖃᐅᔨᓴᖃᑦᑕᕐᓂᖅ ᐊᒻᒪᓗ ᐅᑭᐅᖅᑕᖅᑐᒥᒃ ᖃᐅᔨᓴᖃᑕᕐᓂᖅ ᓯᕗᓪᓕᕐᒥ ᐅᑭᐅᖅᑕᖅᑑᓂᕐᒧᐊᕆᐅᓚᐅᖅᑐᖅ ᑕᒫᓂ 1989-ᒥ, ᐃᐊᔅᑐ ᐅᑎᖃᑦᑕᐃᓐᓇᓕᖅᑐᖅ ᑕᐃᒪᖓᑦ ᐅᑭᐅᖅᑕᖅᑐᒧᑦ ᐃᓕᓐᓂᐊᕆᐊᖃᑦᑕᖅᓱᓂ ᑕᒪᑐᒥᖓ ᐱᐅᔪᐊᓗᖕᒥ ᓄᓇᒥᒃ ᐃᓄᖕᓄᓪᓗ ᑕᒫᓂ ᐊᖏᕐᕋᖃᖅᑐᓄᐊᖅᐸᒃᓱᓂ. ᐅᑭᐅᖅᑕᖅᑐᒥ ᐱᕈᖅᑐᓕᕆᔨᐅᕙᒃᑐᖅ ᐊᓯᔾᔨᖅᐸᓪᓕᐊᓂᖏᓐᓂᓗ ᐱᕈᖅᑐᑦ ᑕᐅᕙᖓᑦ ᐅᖓᓯᖕᓂᓕᖕᒥᒃ ᓇᐹᖅᑐᓕᖕᒥᒃ ᑕᒪᐅᖓ ᒪᖁᒐᔪᐃᓐᓂᕐᒧᑦ ᓄᓇᖓᓄᑦ ᐅᑭᐅᖅᑕᖅᑑᑉ. ᖃᐅᔨᓴᕐᓂᖏᓐᓂ ᑲᒪᒋᔭᐅᕙᒃᑐᑦ ᖃᓄᖅ ᐱᕈᖅᑐᑦ ᐱᔾᔪᑕᐅᓲᖑᖕᒪᖔᑕ ᐅᑭᐅᖅᑕᖅᑑᑉ ᐊᕙᑎᖓᓄᑦ ᖃᓄᐃᓕᖓᓕᖃᑦᑕᕐᓂᖏᓄᓪᓗ ᐊᕙᑎᒥᐅᑕᖏᓄᑦ, ᑕᒪᒃᑯᓄᖓ ᐱᓗᐊᖅᑐᒥᒃ ᓄᓇᒥ ᐸᐅᕐᖓᖃᓲᖑᓂᖓᓂᒃ, ᐆᒪᔪᐃᓪᓗ ᐱᕈᖅᑐᓂᒃ ᓂᕿᖃᓲᖑᓂᖏᓐᓄᑦ ᖃᓄᐃᓕᐅᖅᐸᖕᓂᖏᓐᓂᒃ, ᓄᓇᐅᓪᓗ ᐊᐱᕙᖕᓂᖓᓂᒃ ᐊᒻᒪᓗ ᖃᓄᐃᓂᖏᓐᓂᒃ ᓄᓇᐅᑉ ᐃᓗᐊᒍᑦ ᖁᐊᖑᐃᓐᓇᔅᓲᖑᓂᖅ. ᖃᐅᔨᓴᖅᑎᐅᖃᑎᒥᓂᒃ ᐃᓚᖃᖅᓱᓂ ᑖᓐᓇᑦᑕᐅᖅ ᐱᕙᓪᓕᐊᑎᑦᑎᕙᒃᑐᑦ ᓄᓇᓕᖕᒥᐅᑕᐃᑦ-ᓇᐅᑦᑎᖅᑐᐃᔨᐅᖃᑕᐅᔪᓐᓇᕐᓂᖏᓐᓂᒃ, ᐃᓄᖕᓂᒡᓗ ᐃᓚᐅᑎᑦᑎᓂᖅᓴᐅᓇᓱᐊᕐᓂᕐᒥᒃ ᖃᐅᔨᓴᖅᑕᐅᔪᓂᒃ. | |
 ᓕᓐ ᕋᐅᓯᕗᐊᑦᐃᖃᓇᐃᔭᕐᕕᖓᑦ ᐱᕈᖅᑐᓕᕆᓂᕐᒧᑦ ᐊᒻᒪᓗ ᐅᑭᐅᖅᑕᖅᑐᒥ ᖃᐅᔨᓴᖃᑕᕐᓂᕐᒧᑦ ᓕᓐ ᕋᐅᓯᕗᐊᑦ ᐃᓂᒋᔭᖓ ᖃᐅᔨᓵᕆᓲᖏᓄᑦ ᓄᓇᕋᐃᑦ ᐆᒪᓂᕆᓲᖏᑕ. ᑖᓐᓇ ᓯᕗᓕᐅᖅᑎᓪᓚᕆᒃ ᒪᓴᐅᓲᑦ ᐱᕈᖅᑐᖃᓲᑦ ᐊᐅᓚᓂᕆᔭᖏᒍᑦ ᐅᑎᖅᑎᑦᑎᓂᕐᒥᒃ ᑲᓇᑕᒥ ᐊᒻᒪᓗ ᓄᓇᕐᔪᐊᓕᒫᒥᑦ ᓯᕗᓪᓕᖅᐹᖑᖃᑕᐅᓯᒪᔪᖅ ᖃᐅᔨᓵᖃᕐᓂᕐᒥᒃ ᑖᒃᑯᐊ ᓄᓇᕋᖁᑎᒋᓲᖏᓐᓂᒃ. ᖃᐅᔨᔪᒪᖃᓲᖑᒻᒥᔪᖅ ᖃᓄᖅ ᐱᕈᖅᐸᓪᓕᐊᓲᖑᒻᒪᖔᖏᑕ ᔅᐹᒡᓇᒻ ᐃᔾᔪᕈᓲᑦ ᐊᔾᔨᒌᖏᑦᑐᓂᒃ ᐊᑐᕈᑎᓕᑦ ᓴᓇᓇᓱᒍᑎᒋᓪᓗᒍ ᓄᓇᕋᒧᑦ ᐱᕈᖅᑐᖃᕝᕕᓕᐊᕆᓪᓗᒍ ᐊᒻᒪᓗ ᐆᒪᔪᑦ ᐊᐅᓚᓂᕆᓲᖏᒍᑦ ᐅᑎᖅᑎᑦᑎᓂᕐᒥᒃ ᐊᓯᒋᔭᖏᒍᑦ ᐊᕙᑎᕆᔭᐅᓲᖑᔪᓂᒃ, ᓲᕐᓗᓕ ᓴᕕᕋᔭᒃᓴᖃᓗᐊᖅᑐᑦ ᓄᓇᖏᑦ ᐊᒻᒪᓘᓐᓃᑦ ᐊᖅᐲᑦ ᐱᕈᖅᓱᐃᕝᕕᖏᓐᓂᒃ. ᒥᑦᑎᒪᑕᓕᐅᑉ ᐊᑭᐊᖓᓂ, ᖃᐅᔨᓵᖃᓲᑦ ᖃᓄᖅ ᐊᒃᑐᐄᓂᖃᒻᒪᖔᑕ ᒥᒃᑭᒃᑕᐅᕙᒃᖢᑎᒃ ᑲᖑᕐᓄᑦ ᐃᓱᖅᐸᓯᖓᓄᑦ ᖃᓄᓪᓗ ᐊᓇᖅᐸᓪᓕᐊᔭᖏᑦ ᓂᖃᐅᓲᖑᒻᒥᒻᒪᖔᖏᑕ ᓄᓇᕋᐅᑉ ᐱᕈᖅᐸᓪᓕᐊᓂᕆᓲᖏᓄᑦ ᓄᓇᐃᕐᓇᕐᒥᑦ, ᐃᓱᒪᒋᓪᓗᒍ ᓯᓚᐅᑉ ᐊᔾᔨᒋᔪᓐᓃᕐᓂᕆᔭᖓ. | |
 ᔭᓐ−ᕗᕋᓐᓱᐋ ᑎᐅᕆᔭᓐᑳᔫᑦ ᖃᖅᑲᒻᒥᐅᑦ ᕿᒫᕝᕕᒃᓴᖓ ᔭᓐ−ᕗᕋᓱᐋ ᑎᐅᕆᔭᓐ ᐆᒪᔪᑦ ᐊᐅᓚᓂᕆᓲᖏᓄᑦ ᖃᐅᔨᓴᖅᑎ ᐃᓚᐅᖃᑕᐅᓯᔪᑦ ᑕᐃᑲᙵᑦ 2007 ᖃᐅᔨᓵᖑᔪᓂᒃ ᐱᔾᔪᑎᖃᖅᑐᑦ ᓄᓇᐃᓐᓇᐅᑉ ᐆᒪᔪᖁᑎᖏᑕ ᐊᐅᓚᓂᕆᓲᖏᓐᓂᒃ. ᖃᐅᔨᓵᕆᔭᖓ ᑕᑯᓪᓗᒍ ᑐᕌᖓᔭᖃᓪᓗᐊᑕᖅᑐᖅ ᐊᐅᓚᓂᐊᓄᑦ ᐊᐅᓚᓂᕆᓲᖏᑕ ᑎᖕᒥᐊᑦ ᓂᕿᑐᖅᑎᖏᓄᑦ ᓂᕿᒋᓲᖏᓪᓗ ᐆᒪᔪᑦ, ᐱᖃᓯᐅᑎᔪᑦ ᕿᒥᕐᕈᔭᐅᓂᖏᓄᑦ ᑭᖑᕚᓕᐅᕆᓂᖏᑕ ᐊᓐᓇᐅᒪᑎᑦᑎᓂᕆᔭᖏᑕ ᐊᖓᔪᖅᑳᕆᔭᐅᔪᑦ, ᓅᑦᑕᕐᓂᕆᔭᖏᑦ ᐊᐅᓪᓛᕆᐊᕈᑎᖏᓄᓪᓗ ᒪᓕᒐᓱᓲᖏᑦ. ᒫᓐᓇ ᐅᓪᓗᒥ ᓯᕗᓕᐅᕆᔭᖃᖅᑐᖅ ᖃᐅᔨᓴᕐᓂᒻᒧᑦ ᐱᒋᐊᕈᑎᐅᔪᓂᒃ ᐱᔾᔪᑎᖃᖅᑐᑦ ᐅᒃᐱᒡᔪᐊᑦ, ᑳᔫᑦ ᐊᓯᖏᓪᓗ ᑎᖕᒥᐊᑦ ᓂᕿᑐᖅᑎᖏᑦ ᓇᔪᖅᑕᖃᓲᑦ ᒥᑦᑎᒪᑕᓕᐅᑉ ᐊᑭᐊᖓᓂ. | |
 ᐋᔅᑎᓐ ᕇᑦᑲᓇᑕᒥ ᐆᒪᔪᓄᑦ ᐱᔨᑦᑎᕋᖅᑏᑦ, ᑯᐸᒃ ᐊᕕᒃᓯᒪᓂᐊᓄᑦ ᐋᔅᑎᓐ ᕇᑦ ᐃᓚᒋᔭᐅᕗᖅ ᐱᒋᐊᖅᑎᑦᑎᖃᑕᐅᓂᑰᔪᖅ ᐃᓚᒋᔭᐅᓪᓗᓂ ᑖᒃᑯᓇᓂ ᐆᒪᔪᑦ ᐊᐅᓚᓂᕆᔭᖏᓐᓄᑦ ᖃᐅᔨᓵᕆᔭᓄᑦ ᐊᒻᒪᑦᑕᐅᖅ ᐊᕙᑎᒋᔮᑕ ᓇᐅᑦᑎᖅᓱᖅᑕᐅᓂᖓᑕ ᒥᑦᑎᒪᑕᓕᐅᑉ ᐊᑭᐊᖓᓂ. ᖃᐅᔨᓵᖃᖅᓯᒪᔪᖅ ᐊᐅᓚᓂᕆᓲᖏᓄᑦ ᑎᑭᑦᑕᖅᑐᑦ ᐃᒪᕐᒥᐅᑕᑦ ᑎᖕᒥᐊᖏᑦ ᐱᒋᐊᖅᓯᒪᓪᓗᓂ ᐊᕐᕌᒍᖏᑦ 1960 ᐱᒋᐊᓕᓵᕈᑎᖏᓐᓂᒃ. ᐃᓚᐅᓂᖃᓐᓂᖓ ᑲᖑᕐᓂᒃ ᖃᐅᔨᓵᖃᖅᑐᓂ ᐱᒋᐊᕐᓂᑰᕗᖅ ᐊᕐᕌᒍᑦ 1970 ᐱᒋᐊᖅᓯᒪᓕᖅᑎᓪᓗᒋᑦ ᖃᐅᔨᓴᖅᑎᐅᓪᓗᓂ ᐆᒪᔪᓕᕆᔨᒃᑯ ᑲᓇᑕᒥ ᐆᒪᔪᓄᑦ ᐱᔨᑦᑎᕋᖅᑏᑦ ᐱᓕᕆᕝᕕᐊᓄᑦ ᓴᓇᓪᓗᓂ ᐃᓗᐊᓂ ᓴᐃᓐᑦ ᓛᕋᓐᔅ ᓇᖅᓴᖓᓂ. ᐊᖏᓕᒋᐊᖅᓯᒪᔭᖓ ᖃᐅᔨᓵᕆᔭᓂ ᐱᖃᓯᐅᑎᓪᓗᒍ ᒥᑦᑎᒪᑕᓕᐅᑉ ᐊᑭᐊᖓ ᐊᓯᖏᓪᓗ ᓄᓇᐅᔪᑦ ᓇᔪᖅᑕᐅᓲᑦ ᑲᓇᑕᐅᑉ ᑲᓇᖕᓈᑕ ᐅᑭᐅᖅᑕᖅᑐᖓᓐᓂᒃ ᐱᒋᐊᖅᖢᒍ 1979. ᐃᖅᑲᓇᐃᔮᒥᓂᒃ ᓄᖅᑲᕕᒃᑎᓪᓗᒍ ᐃᑦᑐᕐᒧ ᐊᕐᕌᒍᐊᓂ 1998 ᑲᔪᓰᓐᓇᖅᓯᒪᔭᖓ ᐃᓚᐅᓂᕆᔭᖓ ᑲᖑᓐᓂᒃ ᖃᐅᔨᓵᖃᓐᓂᒻᒧᑦ ᐃᓐᓇᑐᖃᑦ ᖃᐅᔨᓴᖅᑎᐋ ᐃᑲᔪᖅᑎᓪᓚᕆᒃ ᐊᕐᕌᒍᒐᓵᔾᔫᓕᖅᑐᓄᑦ. | |
| ᖃᐅᔨᓴᖅᑕᐅᔪᒧᑦ ᓴᓇᔨᖏᑦ |