ᐃᓚᒋᔭᐅᓪᓗᓂ ᐅᓄᓛᖑᖃᑕᐅᔪᓄᑦ ᑕᑯᒃᓴᐅᑎᓛᖑᔪᓄᓪᓗ ᓄᓇᐅᑉ ᑎ`ᖕᒥᐊᖏᑕ ᐃᕙᓲᖑᓂᖏᑕ ᐅᑭᐅᖅᑕᖅᑐᒥ, ᑕᒪᒃᑯᐊ ᕿᓐᓂᖅᑖᑦ ᖁᐸᓄᐊᖏᑦ ᑕᑯᒃᓴᐅᒐᔪᓛᑦ ᖁᐱᕐᕈᖅᑐᓲᑦ ᑎᖕᒥᐊᑦ ᐃᕙᓲᖑᔪᓂᒃ ᒥᑦᑎᒪᑕᓕᐅᑉ ᐊᑭᐊᖓᓂ. ᐊᐅᔭᐅᑎᓪᓗᒍ, ᑕᑯᒃᓴᐅᓲᖅ ᐃᕙᔪᖅ ᓄᓇᐃᓐᓇᕐᒥᑦ, ᐊᑯᓐᓂᐊᒍᑦ ᓂᐊᖁᑦᑕᓛᑦ (ᖃᑦᑕᓐᓃᑦ ᓄᓇᒥ) ᐅᕝᕙᓘᓐᓃᑦ ᓂᒻᒪᔪᒃᑎᓪᓗᒋᑦ ᐱᕈᖅᑐᓂᒃ ᖁᐱᕐᕈᓂᒡᓘᓃᑦ. ᑕᐃᒪᓕ ᐊᓯᖏᑐᑦ ᐅᑭᐅᖅᑕᖅᑐᒥ−ᐃᕙᓲᑦ ᑎ`ᖕᒥᐊᖏᑕ, ᕿᓐᓄᖅᑖᑦ ᖁᐸᓄᐊᖏᑦ ᐱᕕᑭᑦᑐᒥᒃ ᐅᓪᓗᖃᓲᑦ ᐃᕙᕝᕕᒋᔭᒃᓵᓄᑦ. ᐊᐅᔭᖅ ᐅᑭᐅᖅᑕᖅᑐᒥ ᓇᐃᑦᑑᖕᒪᑦ ᐱᐊᕋᖏᓪᓗ ᐱᕕᖃᕆᐊᖃᓲᑦ ᐅᓪᓗᓂᒃ ᓈᒻᒪᒃᑐᓂᒃ ᐱᕈᕋᓱᒃᑕᓂ ᓈᒻᒪᒋᐊᖃᓲᑦ ᐅᑭᐊᒃᓵᒃᑯᑦ ᐊᐅᓪᓛᕈᓐᓇᖅᓯᔭᕆᐊᖃᓲᑦ. ᐃᓕᖅᑯᓯᖏᑦ ᑕᐃᒪᐃᑦᑑᑎᓪᓗᒋᑦ, ᐅᔾᔨᕆᔭᐅᓲᖅ ᐃᕙᓵᓕᓂᖅᓴᑦ ᐃᓐᓇᕈᐃᓂᖅᓴᐅᓲᑦ ᐊᐃᑦᑕᐅᖅᑑᒥᓂᒃ, ᓲᕐᓗ ᐃᕙᔭᖏᑦ ᐱᕈᐃᓪᓗᒋᑦ ᐊᐅᓪᓛᖅᖢᑎᒃ ᐅᑭᐊᒃᓴᒥ.

ᐃᕙᓪᓗᑎᒃ ᐊᐅᓚᓂᕆᓲᖏᑦ

ᖃᐅᔨᓵᕆᔭᖃᖅᖢᓂ ᐃᕙᓪᓗᑎᒃ ᐊᐅᓚᓂᕆᓲᖏᑕ ᕿᓐᓂᖅᑖᑦ ᓴᖅᑮᔪᓐᓇᓲᖅ ᑐᓴᕈᒥᓇᖅᑐᓂᒃ ᖃᓄᖅ ᓱᖏᐅᓪᔨᓲᑦ ᓇᔪᖅᑕᒥᓂᒃ ᐱᑐᐃᓐᓇᐅᙱᑦᑐᒥᒃ ᐊᕙᑎᖃᖅᑐᒥᒃ. ᑖᔅᓱᒥᖓ ᐱᔾᔪᑎᖃᖅᖢᑕ, ᖃᐅᔨᓵᕆᓲᕗᑦ ᕿᓐᓂᖅᑖᑦ ᖁᐸᓄᐊᖏᑦ ᒥᑦᑎᒪᑕᓕᐅᑉ ᐊᑭᐊᖓᓂ ᑕᐃᑲᙵᓂᑦ 1995. ᐊᕐᕌᒍᑦ ᐊᓂᒍᖅᑐᓂᒃ, ᐃᕙᔭᑦ ᐊᒻᒪᓗ ᐊᐃᑦᑕᐅᖅᑑᓂᖏᑕ ᐃᕙᔭᑦ ᐊᔾᔨᒌᖃᑦᑕᙱᑦᑐᖅ, ᒪᓕᒃᖢᓂ ᐊᔾᔨᒌᖏᔾᔪᑎᐊᑕ ᓯᓚᐅᑉ ᐃᓕᖅᑯᓯᕆᔭᖏᑦ ᐊᕐᕌᒎᔪᒧᑦ. ᑕᑯᔭᐃᓐᓇᕆᓪᓗᒋᑦ, ᐃᕙᔭᐅᕐᖓᖅᑐᖅ ᐃᒻᒪᖄ ᔫᓂ 17 (ᐊᑯᓐᓈ: 8-23 ᔫᓂ). ᑲᑎᖢᒋᑦ ᐃᕙᔭᖏᑦ ᕿᓐᓂᖅᑖᑦ ᒥᑦᑎᒪᑕᓕᐅᑉ ᐊᑭᐊᖓᓂ ᑎᑭᐅᒪᓪᓗᓂ 5.4 ᒪᓐᓃᑦ ᐃᕙᔭᒥᒃ (ᐊᑯᓐᓇ: 4.8 − 6.0 ᒪᓐᓃ/ᐃᕙᒪᒥᒃ). ᐊᕐᓇᕕᐊᖏᑦ ᐃᕙᓲᑦ ᑎᑭᐅᒪᔪᒥᒃ ᐅᓪᓗᑦ 12 ᒪᓐᓂᖏᓪᓗ ᖁᓚᐃᖢᑎᒃ ᐊᑯᓐᓂᐊᑕ 1 − 4 ᐅᓪᓗᐃᑦ. ᐊᐃᑦᑕᐅᖅᑑᕆᐊᓐᓂᖏᑕ ᐅᓪᓗᖓ ᑎᑭᐅᒪᒐᔪᒃᖢᓂ ᔪᓚᐃ 2 (ᐊᑯᓐᓈ: 24 ᔫᓂ ᑎᑭᓪᓗᒍ ᔪᓚᐃ 10).

ᑕᐃᒪᓕ ᐅᓪᓗᕆᔭᖏᑕ ᐊᐃᑦᑕᐅᖅᑑᕆᓲᖏᓄᑦ ᕿᑎᕋᓪᓚᕆᒃᑐᖅ ᐱᕈᕆᐊᕆᓂᖏᑕ ᐊᓐᓇᐅᒪᓂᖓᑕᓗ ᐱᐊᕋᕆᔭᖏᑦ, ᑭᓯᐊᓂᓕ ᐊᑑᑎᖃᓛᖑᒻᒥᔪᖅ ᐱᔪᓐᓇᕐᓂᖃᓐᓂᖏᑦ ᕿᓂᖅᑖᑦ ᖁᐸᓄᐊᖏᑦ ᓂᕕᐅᖅᑎᓪᓗᒋᑦ ᕿᒫᑎᑦᑎᕙᒃᑎᓪᓗᒋᓪᓗ ᐃᕙᔭᖏᑦ ᖁᓚᐃᓐᓇᓱᓐᓂᐊᓄᑦ. ᓂᖃᐅᔪᑦ ᐃᕙᔭᐅᔪᓂᒃ ᐊᑑᑎᖃᕆᕗᖅ ᑐᖁᓴ ᖅᑕᐅᓲᖑᓂᐊᑕ ᑎᖕᒥᐊᖏᑦ ᐱᓗᐊᖅᑐᖅ ᐊᕕᙵᑭᑎᓪᓗᒍ ᐅᑭᐅᖅᑕᖅᑐᖅ. ᕿᓂᖅᑖᑉ ᒪᓐᓂᖏᑦ ᐱᑕᖃᑦᑎᐊᖅᑎᓐᓇᒍ ᓂᖃᐅᒐᔪᓲᑦ ᐊᕕᙵᖃᖅᑎᓐᓇᒍ ᑎᕆᒐᓂᐊᑦ ᓂᕿᖏᓄᑦ. ᐊᓯᐋᒍᑦᑕᐅᖅ, ᐊᕕᙵᑦ ᐊᒥᓲᑎᓪᓗᒋᑦ, ᐊᕕᙵᕋᓱᑐᐃᓐᓇᓪᓗᐊᑕᓲᑦ ᑎᕆᒐᓂᐊᑦ, ᕿᓐᓂᖅᑖᑦ ᖁᐸᓄᐊᖏᑦ ᐱᓇᓱᐊᖅᑕᐅᖏᖢᑎᒃ ᐅᓄᕐᓂᖅᓴᓂᒃ ᐱᐊᕋᖃᓕᖅᖢᑎᒃ. ᐃᕙᔭᖏᑕ ᑲᔪᓯᑦᑎᐊᓐᓂᖓ ᑭᒡᒐᖅᑐᐃᔪᖅ ᐅᓄᕐᓂᕆᔮᑕ ᐊᕕᒃᓯᒪᓂᖏᑕ ᐃᕙᕝᕖᑦ ᑕᑯᔭᐃᓐᓇᕆᓪᓗᒋᑦ ᐱᐊᕋᖏᑦ ᐊᐅᓪᓛᕈᓐᓇᖅᖢᑎᒃ. ᑭᑎᓪᓗᐊᖓ ᑕᑯᓪᓗᒍ, ᐃᕙᔪᑦ ᑲᔪᓯᓂᖏᑦ ᑎᑭᐅᒪᕗᖅ 45% ᑭᓯᐊᓂ ᐅᓇ ᑭᒡᓕᒋᔮ ᐊᔾᔨᒌᖃᑦᑕᙱᒻᒪᑕ ᐊᕐᕌᒍᑦ (ᐊᖅᐸᓯᓛᖅ: 7%, ᖁᑦᑎᓛᖅ: 82%). ᑕᒪᓐᓇ ᑐᓴᕈᒪᓂᕆᕗᖅ ᐅᔾᔨᕆᔭᐅᓂᖓ ᕿᓂᖅᑖᑦ ᖁᐸᓄᐊᑦ ᖁᑦᑎᓛᒥᒃ ᐃᕙᔭᖏᑕ ᐊᓐᓇᐅᒪᔭᖁᕝᕕᖏᑦ ᐊᕐᕌᒍᖏᑦ ᐅᑯᐊ 2000, 2004, 2010, 2011 ᐊᒻᒪᓗ 2014 ᐊᕕᙵᑦ ᐊᒥᓲᓕᖅᑎᓪᓗᒋᑦ.

ᐃᓗᐃᑦᑑᔪᖅ ᖃᕆᓴᐅᔭᒃᑯᑦ ᓇᓗᓇᐃᕈᑎᖏᑦ ᕿᓂᖅᑖᑦ ᖁᐸᓄᐊᑦ ᐃᕙᓲᖏᑕ ᐅᓪᓗᖏᓄᑦ ᒥᑦᑎᒪᑕᓕᐅᑉ ᐊᑭᐊᖓᓄᑦ ᐅᕙᓃᖢᓂ NordicanaD.