ᐃᒪᕐᒥᐅᑕᐃᑦ ᑎᒻᒥᐊᑦ, ᐊᑎᖏᑦ ᓇᓗᓇᐃᖅᓯᒻᒪᑕ, ᑕᑯᔭᐅᒐᔪᑦᑐᑦ ᓄᓇᐅᑉ ᑭᓪᓕᖑᓐᓂ ᐃᒪᕐᒥ, ᑕᓯᕐᓂᑦ ᐊᒻᒪ ᒪᓴᕐᓂᑦ. ᐅᑎᖅᑕᑎᓪᓗᒋᑦ, ᓂᕆᒐᔪᖃᑦᑕᖅᑐᑦ ᑲᑎᓐᖓᓪᓗᑎ ᓄᓴᐅᑉ ᑭᓪᓕᖓᓂ ᒪᕐᕋᓂᑦ ᐅᕝᕙᓘᓐᓃᑦ ᑎᒻᒥᓪᓗᑎ ᐊᒥᓲᓪᓗᑎ ᑕᐅᓴᖏᓐᓃᑦᑐᑎᑦ ᐃᒪᐅᑉ ᖁᓛᒍᑦ. ᒪᓕᒍᓐᓇᕐᓂᕈᕕᒋᑦ ᐃᓚᖏᑦ ᐅᑭᐅᑕᖅᑐᒧᑦ, ᑕᑯᓂᐊᖅᑐᑎᑦ ᐊᔾᔨᒌᖏᑦᑐᓂᑦ ᐃᒪᕐᒥᐅᑕᓂᑦ ᑎᒻᒥᐊᓂᑦ ᐱᑭᐅᖅᑐᓄᑦ ᓄᓇᐃᓐᓇᕐᓂᑦ. ᐃᒪᕐᒥᐅᑕᐃᑦ ᑎᒻᒥᐊᑦ ᑲᑎᖃᑦᑕᕐᓂᖏᑦ ᐊᔾᔨᒌᖏᓛᖑᔪᑦ ᑲᑎᓐᖓᔪᓂᑦ ᐱᑭᐅᖃᑦᑕᖅᑐᑦ ᓄᓇᒥᑦ, ᐅᖓᑖᓃᑦᑐᑎᑦ ᐊᔾᔨᒌᖏᑦᑑᑏᑦ ᑎᒻᒥᐊᑦ ᐱᑭᐅᖅᑐᑦ ᐅᑭᐅᑕᖅᑐᒥ ᓯᓚᕐᔪᐊᒥᑦ.

ᐃᒪᕐᒥᐅᑕᐃᑦ ᑎᒻᒥᐊᑦ ᐊᐅᓚᑕᐅᓂᖏᓐᓄᑦ ᐃᓱᒫᓘᑕᐅᔪᑦ ᖃᑦᑏᓐᓇᕈᖅᐸᓪᓕᐊᓂᖏᓐᓄᑦ ᐊᓯᔾᔨᖃᑦᑕᕐᓂᖏᑦ ᑕᑯᔭᐅᔪᓂᑦ ᐊᒥᓂᑦ ᐆᒪᔪᓂᑦ. ᓇᓗᓇᐃᖅᑕᐅᓂᖏᑦ ᐱᔾᔪᑎᒋᔭᖏᑦ ᐅᑭᐅᑕᖅᑐᒥ ᐃᒪᕐᒥᐅᑕᐃᑦ ᑎᒻᒥᐊᓄᑦ ᐊᒥᓲᓂᖏᓐᓄᑦ ᐊᔾᔨᒌᖏᓐᓂᖏᑦ ᐱᒡᒐᓇᖅᑐᑦ ᐅᖓᓯᑦᑐᒧᑦ ᐅᑎᖅᑕᖃᑦᑕᕐᓂᖏᓐᓄᑦ ᐊᒻᒪ ᑲᑎᒻᒪᕙᓐᓇᑎ ᐱᑭᐅᓕᐅᖅᑐᑦ ᐊᒻᒪ ᐱᑭᐅᓕᐅᖏᑦᑐᑦ ᓇᔪᖅᑕᖏᑦ. ᓇᔪᖃᑦᑕᖅᑕᖏᓐᓂ ᔭᒐᐃᔭᐅᔪᑦ ᓄᖅᑲᑕᕐᕕᖏᓐᓂ ᐊᒻᒪ ᐅᑭᐊᓪᓕᕕᖏᓐᓂ ᐃᓱᒪᒋᔭᐅᔪᑦ ᐱᔾᔪᑕᓪᓗᐊᑕᐅᓪᓗᑎ ᖃᑦᑏᓐᓇᕈᕐᓂᖏᓐᓄᑦ ᐃᒪᕐᒥᐅᑕᐃᑦ ᑎᒻᒥᐊᑦ. ᑭᓯᐊᓂᓕ, ᖃᐅᔨᒪᖏᑦᑐᒍᑦ ᐊᑦᑐᖅᑕᐅᔪᓂᑦ ᐊᓯᔾᔨᖅᑐᓂᑦ ᐅᑭᐅᑕᖅᑐᒥ ᐃᒪᕐᒥᐅᑕᐃᑦ ᑎᒻᒥᐊᓄᑦ ᐊᒥᓲᓂᖏᓐᓄᑦ. ᐊᕙᑎᖓᓂ ᖃᐅᔨᓴᕐᓂᖅ ᐱᓕᕆᐊᖃᓗᐊᖅᑐᑦ ᐊᖑᓇᓱᑦᑕᐅᕙᖏᑦᑐᓂᑦ ᐆᒪᔪᓂᑦ, ᓲᕐᓗ ᐃᒪᕐᒥᐅᑕᐃᑦ ᑎᒻᒥᐊᑦ, ᐱᑕᖃᒐᔪᖏᑦᑐᑦ ᐅᑭᐅᑕᖅᑐᒥ. ᓄᐊᑦᑎᓗᑕ ᓇᓗᓇᐃᔭᖅᓯᒪᔪᓂᑦ ᑐᑭᓯᒋᐊᕈᑎᓂᑦ ᐊᕙᑎᖓᓂᑦ ᐊᒻᒪ ᐊᕕᑦᑐᖅᓯᒪᔪᒧᑦ ᑭᓪᓕᖏᑦ, ᖃᐅᔨᓴᕐᓂᕆᔭᕗᑦ ᐱᑕᖃᖅᑎᑦᑎᔪᑦ ᑐᑭᓯᒋᐊᕈᑎᓂᑦ ᐱᔭᐅᔭᕆᐊᖃᖅᑐᓂᑦ ᑐᑭᓯᓂᐊᕐᓗᒋᑦ ᐱᕙᓪᓕᐊᓂᖏᑦ ᐊᑦᑐᐃᓂᖃᓂᕐᒧᑦ ᐱᑕᖃᕐᓂᖏᓐᓄᑦ ᐅᑭᐅᑕᖅᑐᒥᑦ ᐱᑭᐅᖅᑐᑦ ᐃᒪᕐᒥᐅᑕᐃᑦ ᑎᒻᒥᐊᑦ.

ᖁᓕᖁᓕᐊᖅ	ᑐᐃᑐᐃ	ᓯᒡᔭᕆᐊᔾᔪᒃ	ᑑᓪᓕᔾᔪᐊᖅ

ᐊᑭᖓᓂ ᒥᑦᑎᒪᑕᓕᒃ, ᐊᒥᓲᓛᖑᔪᑦ ᐱᑭᐅᖅᑐᑦ ᐃᒪᕐᒥᐅᑕᐃᑦ ᑎᒻᒥᐊᑦ Baird’s ᓯᔾᔭᕆᐊᑦ, white-rumped ᓯᔾᔭᕆᐊᑦ, American golden ᓯᔾᔭᕆᐊᑦ ᐊᒻᒪ ᐱᑕᖃᒐᔪᑦᑐᑦ ᓯᔾᔭᕆᐊᑦ. ᐊᓯᖏᑦ ᐃᒪᕐᒥᐅᑕᐃᑦ ᑎᒻᒥᐊᑦ ᐆᒪᔪᐃᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ ᐱᖃᓯᐅᔾᔨᔪᑦ black-bellied ᓯᔾᔭᕆᐊᑦ, pectoral ᓯᔾᔭᕆᐊᑦ, ᐊᐅᐸᖅᑐᑦ ᐊᒡᒌᑦ, red knot ᐊᒻᒪ ruddy turnstone. ᐊᑕᖏᖅᑐᓂᑦ ᑎᑎᕋᖅᓯᒪᔪᓂᑦ ᐃᒪᕐᒥᐅᑕᐃᑦ ᑎᒻᒥᐊᑦ ᖃᐅᔨᔭᐅᔪᓂᑦ ᐊᑭᖓᓂ ᒥᑦᑎᒪᑕᓕᒃ ᖃᐅᔨᒋᐊᖅᑕᐅᔪᓐᓇᖅᑐᑦ ᑎᒻᒥᐊᑦ ᐆᒪᔪᐃᑦ ᑎᑎᕋᖅᓯᒪᔪᑦ.

ᑐᕌᒐᓪᓗᐊᑕᕆᔭᖓ ᐱᓕᕆᐊᑦᑎᓐᓂ ᓇᓗᓇᐃᕐᓗᒋᑦ ᐊᕙᑎᓕᕆᓂᕐᒧᑦ ᐊᒻᒪ ᐊᕙᑎᖓᓄᑦ ᐱᔾᔪᑕᐅᔪᑦ ᐊᑦᑐᐃᓂᖃᖅᑐᑦ ᐊᒥᓲᓂᖏᓐᓄᑦ ᐊᒻᒪ ᓇᒧᖓᖃᑦᑕᕐᓂᖏᑦ ᐃᒪᕐᒥᐅᑕᐃᑦ ᑎᒻᒥᐊᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ. ᓇᓗᓇᐃᖅᓯᒪᔪᑦ ᑐᕌᒐᕗᑦ ᐃᒪᐃᓪᓗᑕ:

1. ᓇᓗᓇᐃᕐᓗᒋᑦ ᐱᔾᔪᑕᐅᔪᑦᖅ ᐊᑦᑐᐃᓂᖃᖅᑐᑦ ᐆᒪᔪᓕᐅᕐᓂᖏᓐᓄᑦ ᑲᔪᓯᑦᑎᐊᕐᓂᖏᓐᓄᑦ ᐊᒻᒪ ᐆᒪᓂᖏᓐᓄᑦ ᐃᒪᕐᒥᐅᑕᐃᑦ ᑎᒻᒥᐊᑦ.
2. ᐱᑕᖃᖅᑎᑦᑎᓗᓂ ᑐᓐᖓᕕᖏᓐᓂ ᑐᑭᓯᒋᐊᕈᑎᓂᑦ ᖃᐅᔨᓴᐃᓗᓂ ᒫᓐᓇᐅᔪᒥᑦ ᐊᒻᒪ ᓯᕗᓂᔅᓴᒥ ᐊᒥᓲᓂᖏᓐᓄᑦ ᐊᓯᔾᔨᖃᑦᑕᖅᑐᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᐊᒻᒪ ᓂᕿᖏᑦ (ᖁᐱᕐᑉᕈᐃᑦ ᐊᒻᒪ ᐋᓯᕙᐃᑦ).
3. ᓇᓗᓇᐃᕐᓗᒋᑦ ᐅᑭᐅᒃᑯᑦ ᓇᑭᓐᖔᕐᕕᖏᑦ ᐊᒻᒪ ᐅᑎᖅᑕᑎᓪᓗᒋᑦ ᐊᖅᑯᑎᖏᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ.

ᐅᑎᖅᑕᖃᑦᑕᕐᓂᖅ

ᐆᒪᔪᓕᒫᓂᑦ ᐅᑎᖅᑕᖃᑦᑕᖅᑐᓂᑦ, ᐃᒪᕐᒥᐅᑕᐃᑦ ᑎᒻᒥᐊᑦ ᑕᑯᔅᓴᐅᑎᑦᑎᔪᑦ ᐃᓚᒋᔭᐅᔪᒥᑦ ᑕᑯᒥᓇᒻᒪᕆᑦᑐᓂᑦ ᐅᑎᖅᑕᖃᑦᑕᖅᑐᓂᑦ ᐊᑐᖅᑕᐅᔪᓂᑦ. ᐆᑦᑑᑎᒋᓗᒍ, ᑕᒪᒃᑭ white-rumped ᐊᒻᒪ Baird’s ᓯᔾᔭᕆᐊᑦ ᐃᓂᖃᖅᑐᑦ ᐊᖏᔪᒻᒪᕆᒻᒥᑦ 15,000 ᑭᓚᒦᑕᐃᑦ ᐅᑭᐊᓪᓕᕕᖏᓐᓂ ᓂᒋᖓᓂ ᓂᒋᖓᑕ ᐊᐳᕆᑲ ᐱᑭᐅᕐᕕᖏᓐᓄᑦ ᑲᓇᑕᒥ ᐅᑭᐅᑕᖅᑐᒥᑦ. ᐊᕙᑎᖓᓄᑦ ᐊᐳᕈᑎᐅᔪᑦ ᓲᕐᓗ ᐃᒪᖅ, ᐃᓐᓈᕈᐃᑦ ᐅᕝᕙᓘᓐᓃᑦ ᐊᐅᔪᐃᑦᑐᐃᑦ ᐊᖏᔪᒥᑦ ᐊᔭᐅᕈᑎᖃᕈᓐᓇᖅᑐᑦ ᐊᓯᔾᔨᐸᓪᓕᐊᓂᖏᓐᓄᑦ ᐃᒪᕐᒥᐅᑕᐃᑦ ᑎᒻᒥᐊᑦ ᐅᑎᖅᑕᑎᓪᓗᒋᑦ ᐊᖅᑯᑎᖏᑦ ᐊᒻᒪ ᐊᑐᖅᑕᐅᔪᑦ. ᐆᑦᑑᑎᒋᓗᒍ, ᖃᐅᔨᓴᕐᓂᕆ.ᔭᕗᑦ ᑕᑯᔅᓴᐅᑎᑦᑎᔪᑦ ᓯᔾᔭᕆᐊᖑᒐᔪᑦᑐᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ ᐊᒻᒪ ᐅᑭᐊᓪᓕᓪᓗᑎ ᐊᐳᕆᑲᒥ ᐊᔾᔨᒌᖏᑦᑐᓂ ᐊᑐᖃᑦᑕᖅᑐᑦ ᐅᐱᕐᖓᓵᒃᑯᑦ ᐊᒻᒪ ᐅᑭᐊᔅᓵᒃᑯᑦ ᓄᖅᑲᐃᓐᓇᖅᑐᑦ ᐊᐃᔅᓚᓐᒥ. ᐅᑭᐊᔅᓵᒃᑯᑦ, ᑭᓯᐊᓂᓕ, ᐊᔾᔨᒌᖏᑦᑐᓂᑦ ᐊᑐᖃᑦᑕᖅᑐᑦ ᐅᐱᕐᖔᒃᑯᑦ ᐊᒻᒪ ᐅᑭᐊᔅᓵᒃᑯᑦ, ᑭᓯᐊᓂᓕ, ᐃᒻᒥᑰᖅᑐᑦ ᑎᒻᒥᐊᑦ ᐃᒪᒃᑯᑦ ᐃᑳᖃᑦᑕᖅᑐᑦ ᑐᕌᑦᑕᐅᑎᒋᓪᓗᑎ ᖃᖓᑕᓪᓗᑎ ᓂᒋᖓᓂ ᐊᑯᑭᑦᑐᑦ ᐱᖓᓐᓇᖓᓄᑦ ᑕᕆᐅᑉ ᐊᑭᐊᓄᑦ, ᐅᖓᓯᓐᓂᖃᖅᑐᒧᓪᓗ ᓂᒋᖓᓄᑦ ᓯᐸᐃᓐ. ᑕᒪᓐᓇ ᑕᐃᒪᐃᓐᓂᖃᖅᑐᖅ ᐊᒡᒍᕋᖅᑐᑎᑦ ᓴᓂᖅᑳᖅᑐᓂᑦ ᐊᑦᑐᐊᓂᓖᑦ ᐊᐃᔅᓚᓐ ᓯᓚᖓᓄᑦ.

ᐅᑎᖅᑕᑎᓪᓗᒋᑦ ᐊᖅᑯᑎᖏᑦ ᓯᔾᔭᕆᐊᑐᐃᓐᓇᕐᓄᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ ᐊᒻᒪ ᓴᐅᑭᐊᓪᓕᓪᓗᑎ ᐊᐳᐱᕆᑲᒥ (Léandri-Breton et al. 2019, DOI 10.1111/jav.02101)

ᒪᓐᓂᓕᐅᖃᑦᑕᕐᓂᖏᑦ

ᐊᑭᖓᓂ ᒥᑦᑎᒪᑕᓕᒃ, ᑐᒃᑭᓯᒋᐊᕈᑎᕗᑦ ᓇᓗᓇᐃᖅᓯᔪᑦ ᐱᕆᒐᓂᐊᑦ ᓂᕆᖃᑦᑕᑕᓪᓗᐊᑕᐅᔪᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᒪᓐᓂᖏᓐᓂᑦ. ᐃᒪᕐᒥᐅᑕᐃᑦ ᑎᒻᒥᐊᑦ ᒪᓐᓂᖏᑦ ᐱᔮᖅᑯᑕᐅᖏᑦᑐᒥ ᓂᕆᔭᐅᓚᕿᕙᑦᑐᑦ ᑎᕆᒐᓂᐊᓄᑦ, ᓂᕆᒐᔪᖃᑦᑕᕐᓂᖏᓐᓄᑦ ᒥᑭᔪᓂᑦ ᐆᒪᔪᓂᑦ ᐊᒻᒪ ᑲᖑᐃᑦ ᒪᓐᓂᖏᓐᓂ ᐊᑭᖓᓂ ᒥᑦᑎᒪᑕᓕᒃ. ᓂᕆᔭᐅᖃᑦᑕᕐᓂᖏᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᒪᓐᓂᖏᑦ ᖁᕝᕙᓯᓐᓂᖅᓴᐅᔪᑦ ᐊᕕᖓᑭᑦᑎᓪᓗᒍ, ᐃᓚᖓᑎᒍᑦ, ᐊᕕᓐᖓᐃᑦ ᐊᒥᓲᑎᓪᓗᒋᑦ , ᐃᒪᕐᒥᐅᑕᐃᑦ ᑎᒻᒥᐊᑦ ᐊᑐᖃᑦᑕᖅᑐᑦ ᓂᕆᔭᐅᖏᓂᖅᓴᐅᓪᓗᑎ ᐊᒻᒪ ᐱᑭᐅᖏᑦ ᑲᔪᓯᑦᑎᐊᓂᖅᓴᐅᓂᖃᖅᑐᑎᑦ.

ᖃᐅᔨᓴᕐᓂᕆᔭᕗᑦ ᑕᑯᔅᓴᐅᑎᑦᑎᒻᒥᔪᖅ ᑲᖓᐃᑦ ᐊᒥᓲᓂᖏᑦ ᐱᐅᖏᑦᑐᒥᑦ ᐊᑦᑐᐃᓂᖃᖅᑎᑦᑎᔪᑦ ᐅᑭᐅᑕᖅᑐᒥ ᐱᑭᐅᕐᕕᖏᓐᓂᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᓂᕆᔭᐅᖃᑦᑕᖅᑐᓂᑦ. ᑲᖑᐃᑦ ᐊᑎᓐᖓᔪᑦ ᐊᒥᓱᑦ ᓂᕆᖃᑦᑕᖅᑐᓄᑦ ᐅᐸᑦᑕᐅᕙᑦᑐᑦ, ᐱᖃᓯᐅᑎᓪᓗᑎ ᑎᕆᒐᓂᐊᑦ ᐊᒻᒪ ᑎᒻᒥᐊᑦ ᒪᓐᓂᓂᑦ ᓂᕆᖃᑦᑕᖅᑐᑦ (ᓇᐅᔭᐃᑦ, ᑐᓗᒐᐃ ᐊᒻᒪ ᓇᐅᔭᕕᐊᑦ). ᑕᐃᒪᓐᓇ ᓂᕆᔭᐅᖃᑦᑕᑎᓪᓗᒋᑦ ᐱᐅᖏᑦᑐᒥᑦ ᐊᑦᑐᐃᓂᖃᖅᑎᑦᑎᔪᑦ ᐃᒪᕐᒥᐅᑕᓄᑦ ᑎᒻᒥᐊᓄᑦ ᐱᑭᐅᖏᓐᓄᑦ ᐊᒻᒪ ᑕᑯᔅᓴᐅᔪᒥᑦ ᐊᑦᑎᓪᓕᒋᐊᖅᑎᑦᑎᔪᖅ ᓴᖅᑭᑲᖃᑦᑕᕐᓂᖏᓐᓄᑦ ᐃᓗᐊᓂ ᑖᒃᑯᓇᓂ ᑲᖑᕐᓂᑦ.

ᑕᕝᕗᖓᑦᑕᐅᑎᒋᐅᖏᑦᑐᖅ ᖃᓄᐃᓘᖃᑦᑕᐅᑎᓂᖅ ᐊᕕᓐᖓᐃᑦ, ᑲᖑᐃᑦ ᐊᒻᒪ ᐃᒪᕐᒥᐅᑕᐃᑦ ᑎᒻᒥᐊᑦ (Lamarre et al. 2017, DOI 10.1002/ecs2.1788)

ᐊᑕᖏᖅᑐᒋᑦ ᑐᑭᓯᒋᐊᕈᑏᑦ ᖃᐅᔨᓴᕐᓂᕆᔭᑦᑎᓐᓂ ᑲᖑᕐᓂᑦ ᐱᑭᐅᕐᓂᖏᓐᓄᑦ ᐊᑭᖓᓂ ᒥᑦᑎᒪᑕᓕᒃ ᐊᑐᐃᓐᓇᐅᔪᑦ ᐅᕙᓂ NordicanaD.