ᐸᐱᕈᑯᑖᓕᒃ ᓇᐅᔭᕕᐊᖅ ᒥᑭᓛᖑᔪᖅ ᓴᐅᔭᕕᐊᓂᑦ ᐱᑭᐅᖃᑦᑕᖅᑐᓂᑦ ᑲᓇᑕᒥ ᒥᐊᓕᒐᒥᓗ. ᐱᑕᖃᓛᖑᔪᑦ ᓯᐊᒻᒪᖅᓯᒪᓛᖑᔪᑦ ᓇᐅᔭᑯᐊᓂᑦ ᐅᑭᐅᑕᖅᑐᒥ ᑕᑯᔭᐅᒐᔪᑦᑐᑦ ᓄᓇᒥᑦ. ᑖᓐᓇ ᑎᒻᒥᐊᖅ ᕿᑐᓐᖏᐅᕈᑎᖃᑦᑎᐊᖏᑦᕈᒪᒍᓐᓇᖏᑦᑐᖅ. ᐊᕐᓇᐃᑦ ᐊᖏᓂᖅᓴᐅᒐᔪᑦᑐᑦ ᐊᖑᑎᓂᑦ (ᐊᑕᖏᖅᑐᒍ ᑎᒥᖓ ᐊᕐᓇᓂᑦ 315 g ᓴᓂᐊᓂ 285 g ᐊᖑᑎᓄᑦ ᐱᑭᐅᖅᑐᑦ ᐊᑭᖓᓂ ᒥᑦᑎᒪᑕᓕᒃ), ᐅᖓᑕᐅᔾᔨᖃᑦᑕᐅᑎᔪ ᐊᖏᓂᖏᑦ ᐊᖑᑏᑦ ᐊᒻᒪ ᐊᕐᓇᐃᑦ ᐊᒥᓲᓂᖏᓐᓂᑦ ᐊᔪᕐᓇᑎᑦᑎᔪᖅ ᓇᓗᓇᐃᕋᓱᐊᖅᑐᒋᑦ ᓄᓴᐃᓐᓇᕐᒥᑦ. ᑭᓯᐊᓂᓕ, ᐃᖅᑲᓇᐃᔮᕆᔭᕗᑦ ᑕᑯᔅᓴᐅᑎᑦᑎᔪᑦ ᐊᔾᔨᒌᖏᓐᓂᖏᓐᓄᑦ ᒪᕐᕉᓐᓂ ᐊᖑᑕᐅᓂᖏᑦ ᐊᒻᒪ ᐊᖑᑕᐅᓂᖏᑦ ᓇᓗᓇᐃᕋᔅᓴᐅᔪᑦ ᐊᖑᑏᑦ ᒥᑭᓂᖅᓴᐅᖏᓐᓇᖅᑐᑦ ᐊᕐᓇᐃᑦ ᓴᓂᐊᓂ.

ᐸᐱᕈᑯᑖᓕᒃ ᓇᐅᔭᕕᐊᖅ ᐃᒪᕐᒥᐅᑕᐅᒻᒪᑦ ᑎᒻᒥᐊᖅ, ᐊᑯᓂᐅᓂᖅᓴᖅ ᐃᒪᕐᒥ ᐆᒪᕙᑦᑐᖅ. ᑭᓯᐊᓂᓕ, ᐊᐅᔭᕈᓕᕋᐃᒻᒪᑦ ᐆᒪᓂᕆᔭᖏᑦ ᐊᓯᔾᔨᐸᑦᑐᑦ ᓄᓇᒥᐅᑕᐅᓕᖅᑐᑎᑦ. ᐅᑎᕋᔪᖏᑦᑐᑦ ᐃᒪᕐᒧᑦ ᐱᑭᐅᕐᓇᐅᑎᓪᓗᒍ. ᐅᑭᐅᒃᑯᑦ ᓂᕆᕙᑦᑕᖏᑦ ᐊᒥᓲᓂᖅᓴᐃᑦ ᒥᑭᔪᑦᐃᖃᓗᐃᑦ ᐊᒻᒪ ᐃᒪᐅᑉ ᕐᑳᖓᓂ ᓴᐅᓂᖃᖏᑦᑐᑦ ᐆᒪᔪᕋᓛᓂᑦ ᓂᕆᖃᑦᑕᖅᑐᑦ ᐊᐅᔭᒃᑯᑦ. ᐊᑭᖓᓂ ᒥᑦᑎᒪᑕᓕᒃ, ᑲᔪᖅ ᐊᒻᒪ ᖁᖓᓯᕈᓐᖑᐊᓕᒃ ᐊᕕᓐᖓᐃᑦ ᓂᕆᖃᑦᑕᑕᓪᓗᐊᑕᕆᔭᖏᑦ. ᑭᓯᐊᓂᓕ, ᐊᕕᓐᖓᖃᑦᑎᐊᑎᓐᓇᒍ, ᓇᐅᔭᕕᐊᑦ ᓂᕆᒍᓐᓇᖅᑐᑦ ᖁᐱᕐᕈᓂᑦ, ᒥᑭᔪᓂᑦ ᑎᒻᒥᐊᓂᑦ ᐊᒻᒪ ᐃᒪᕐᒥᑕᓂᑦ ᑎᒻᒥᐊᓂᑦ (ᒪᒃᑯᓂᖅᓴᓂᑦ). ᐊᓯᖏᑎᑐᑦ ᑎᒻᒥᐊᓂᑦ ᓂᕿᑐᖃᑦᑕᖅᑐᓂᑦ, ᐸᐱᕈᑯᑖᓕᒃ ᓇᐅᔭᕕᐊᖅ ᐄᕙᑦᑕᖏᑦ ᓂᕆᔭᖏᑦ ᐊᑕᐅᓯᐅᓪᓗᑎ ᐊᑐᐅᑦᑎᒃᑯᑦ ᑭᓯᐊᓂ ᐊᕿᐊᕈᒻᒧᑦ ᓄᖑᑎᕋᔅᓴᐅᖏᑦᑐᑦ ᐱᖃᑦᑕᖏᑕᖏᑦ (ᓴᐅᓃᑦ, ᓄᔭᐃᑦ, ᑯᑮᑦ, ᓱᓗᐃᑦ ᐊᓯᖏᓪᓗ.) ᑲᑎᓐᖓᓪᓗᑎ ᖃᐅᔨᓴᖅᑕᐅᔪᓐᓇᖅᑐᑦ ᓇᓗᓇᐃᕐᓗᒋᑦ ᓂᕆᖃᑦᑕᖅᑕᖏᑦ. ᐊᑭᖓᓂ ᒥᑦᑎᒪᑕᓕᒃ ᐅᖓᑖᓃᑦᑐᑦ 95% ᓂᕆᔭᒥᓂᐅᔪᑦ ᓄᐊᑕᐅᒧᓂᑦ ᐱᑭᐅᖃᕐᕕᐅᔪᓂᑦ ᐃᓗᓕᖃᓚᐅᖅᑐᑦ ᐊᕕᓐᖓᓂᑦ ᐃᓚᖏᓐᓂᑦ ᐊᒻᒪ 53% ᖁᐱᕐᕈᒥᓃᑦ ᑕᑯᔅᓴᐅᑎᑎᔪᑦ ᐱᒻᒪᕿᐅᓂᖓᓂ ᑖᒃᑯᐊ ᒪᕐᕉᒃ ᓂᑭᖏᑦ. ᑲᒧᐃᑦ ᐊᕕᓐᖓᐃᑦ ᐱᑕᖃᕐᓂᖅᓴᐅᔪᑦ, ᑭᒡᒐᖅᑐᐃᔪᑦ 60% ᐊᕕᓐᖓᓂᑦ ᓇᓗᓇᐃᖅᑕᐅᔪᑦ ᓂᕆᔭᐅᓯᒪᔪᒥᓂᕐᓂᑦ ᖁᖓᓯᕈᓐᖑᐊᓖᓪᓕ ᐊᕕᓐᖓᐃᑦ ᑭᒡᒐᖅᑐᐃᔪᑦ 40%.

ᐊᕕᓐᖓᖅ	ᐃᔅᓱᓐᖓᐅᑉ ᒥᕆᐊᕐᓂᑯᐊ	ᐊᒥᖅᖤᖅ

ᐱᑭᐅᓂᕐᒧᑦ ᐊᕙᑎᖓ

ᐅᓪᓗᒐᓚᓐᓂᑦ ᒪᓐᓂᑖᓚᐅᖅᑎᓐᓇᒋᑦ, ᓇᐅᔭᑯᐊᑦ ᑎᑭᖃᑦᑕᖅᑐᑦ ᐊᑭᖓᓄᑦ ᒥᑦᑎᒪᑕᓕᒃ ᐊᒻᒪ ᐅᑎᖅᑐᑎᑦ ᓇᔪᖅᑕᐅᖓᓂᑦ ᐊᕐᕌᓂᐅᓚᐅᖅᑐᒥᑦ. ᑖᒃᑯᐊ ᑎᒻᒥᐊᑦ ᑕᑎᒋᔭᖃᑦᑎᐊᖅᑐᑦ ᐱᑭᐅᖃᕐᕕᖏᓐᓄᑦ ᐃᓚᖏᑦ ᐊᐃᑉᐸᕇᑦ ᐱᑭᐅᖃᕈᓐᓇᖅᑐᑦ ᒦᑕᑐᐃᓐᓇᕐᓂᑦ ᐅᖓᓯᓐᓂᖃᖅᑐᓂᑦ ᐱᑭᐅᖃᕐᕕᒋᓚᐅᖅᑕᖓᓂᑦ. ᐊᖑᑏᑦ ᐊᒻᒪ ᐊᕐᓇᐃᑦ ᓇᐅᔭᕕᐊᑦ ᐊᑕᐅᑦᑎᑰᖅᐸᖏᑦᑐᑦ ᐅᑎᖅᑕᑎᓪᓗᒋᑦ, ᑭᓯᐊᓂ ᐊᐃᑉᐸᕇᑦ ᑲᑎᒃᑲᓂᖅᐸᑦᑐᑦ ᐊᐅᔭᑕᒫᑦ ᐱᑭᐅᖃᕐᕕᖏᓐᓂ. ᐃᓚᖏᑦ ᑖᒃᑯᐊᓴᐃᓐᓇᐃᑦ ᐱᑭᐅᑕᖅᑕᖅᑐᑦ ᐊᕐᕌᒍᒐᓚᓐᓂᑦ ᐊᒥᓱᓂᑦ.

ᑎᑭᑦᑎᓪᓗᒋᑦ, ᓇᐅᔭᕕᐊᑦ ᑎᒻᒪᕙᑦᑐᑦ ᐱᑭᐅᖃᕐᕕᖏᓐᓂ ᕿᓂᖅᑐᑎᑦ ᓂᕆᕙᑦᑕᖏᓐᓂᑦ, ᐊᕕᓐᖓᐃᑦ, ᐱᑭᐅᖃᕐᓂᖏᑦ ᐊᔭᐅᖅᑕᐅᔪᑦ ᐱᑕᖃᕐᓂᖏᓐᓄᑦ ᓂᕆᖃᑦᑕᖅᑕᖏᑦ ᐊᒻᒪ ᐱᑭᐅᖃᖐᓐᓇᕈᓐᓇᖅᑐᑦ ᐊᕕᓐᖓᐃᑦ, ᐊᒥᓲᓂᖏᑦ ᐊᑦᑎᑎᓪᓗᒋᑦ. ᐅᓪᓗᒐᓚᓐᓂᑦ ᓴᐳᒻᒥᑦᑎᓚᐅᖅᑐᑎᑦ ᓇᔪᖅᑕᖏᓐᓂ, ᑎᒻᒥᐊᑦ ᐱᑭᐅᖃᕐᓂᐊᖏᒃᑯᑎ ᐅᑎᖃᑦᑕᖅᑐᑦ ᐃᒪᕐᒧᑦ.

ᐸᐱᕈᑯᑖᓖᑦ ᓯᔾᔭᕆᐊᑦ ᐱᑭᐅᖏᑦ ᑭᓪᓕᖃᖅᑎᑕᐅᔪᑦ. ᒪᓐᓂᑖᖃᑦᑕᖅᑐᑦ ᐃᓯᖅᓴᒐᓛᒥᑦ ᓄᓇᒥ. ᐱᑭᐅᓕᐅᕈᑎᓂᑦ ᐊᑐᖃᑦᑕᖏᑦᑐᑦ ᐊᒻᒪ ᐱᑭᐅᖓᓂ ᓴᓴᓇᓂᖓᓂᑦ ᓴᓇᕙᖏᑦᑐᑦ ᓇᓗᓇᖅᑎᒍᑎᐅᓪᓗᑎ. ᐱᑭᐅᖃᒐᔪᑦᑐᑦ ᓇᖅᓴᕋᓛᒥᑦ ᖃᐅᔨᓴᕈᓐᓇᖅᑐᑎᑦ ᓇᔪᖅᑕᐃᓐᓂ ᐊᒻᒪ ᓴᐳᒻᒥᑦᑎᓗᑎ ᐱᑭᐅᖏᓐᓂ ᓂᕆᖃᑦᑕᖅᑐᓂᑦ, ᑎᕆᒐᓂᐊᖑᒐᒧᑦᑐᑦ. ᓇᐅᔭᕕᐊᑦ ᐊᑭᒋᐊᖃᑦᑕᖅᑐᑦ ᐊᒻᒪ ᕿᒪᐃᑎᑦᑎᓪᓗᑎ ᐸᕕᓴᑦᑐᓂᑦ ᖃᓂᓗᐊᓕᖃᑦᑕᖅᑐᓄᑦ ᖃᓂᒋᔭᐸᓗᖓᓂ 1 ᑭᓚᒦᑕᒥᑦ ᐱᑭᐅᖏᓐᓂ ᐅᖓᓯᓐᓂᓖᑦ.

ᑕᒪᒃᑭ ᐊᐃᑉᐸᕇᑦ ᐃᖅᑲᓇᐃᔭᖃᑎᒌᑉᐸᑦᑐᑦ ᓴᐳᒻᒥᑎᓪᓗᑎ ᓇᔪᖅᑕᖏᓐᓂ, ᓂᕿᔅᓴᓯᐅᓂᕐᒧᑦ ᐊᒻᒪ ᐃᕙᓂᕐᒧᑦ ᒪᓐᓂᖏᓐᓂᑦ. ᐊᕐᓇᖏᑦ ᒪᕐᕉᓐᓂᒃ ᒪᓐᓂᑖᕋᔪᑦᑐᑦ, ᑭᓯᐊᓂ ᐃᓛᓂᒃᑯᑦ ᐊᑕᐅᓯᑐᐃᓐᓇᕐᒥᑦ ᒪᓐᓂᑖᖃᑦᑕᖅᑐᑦ ᖃᓄᐃᓐᓂᕆᔭᖓ ᐱᔪᒥᓇᓗᐊᖅᑎᓐᓇᒍ. ᑐᖑᔪᕈᔪᓐᓂᖓ ᐊᒥᐊᖓ ᒪᓐᓂᖏᑦ ᐃᑲᔪᖅᑐᑦ ᑕᑯᔅᓴᐅᑎᐊᕐᓇᑎ ᐱᑭᐅᖏᓐᓂ. ᖃᐅᔨᓴᖃᑦᑕᖅᓯᒪᔪᓄᓪᓘᓐᓃᑦ ᖃᐅᔨᓴᖅᑎᓄᑦ, ᒪᓐᓂᖏᑦ ᓇᓂᒡᒐᓇᖅᑐᑦ ᐅᑭᐅᑕᖅᑐᒥ ᐊᖏᔪᒥᑦ ᓄᓇᖓᓂ. ᐃᕙᓯᒋᐊᖃᑦᑕᖅᑐᑦ ᐊᕐᓇᖓ ᒪᓐᓂᑖᑐᐊᕋᐃᒻᒪᑦ ᓯᕗᓪᓕᖅᐹᖓᓂᑦ ᐊᒻᒪ ᐊᑯᓂᐅᓂᖃᖅᑐᑎᑦ 23 ᑎᑭᑦᑐᒍ 26 ᐅᓪᓗᐃᑦ. ᒪᓐᓂᖏᑦ ᐃᓄᕈᒍᔪᑦᑐᑦ ᐅᖓᓯᒌᓐᓂᖃᖅᑐᓂᑦ ᐅᓪᓗᕐᒥ ᐊᑕᐅᓯᕐᒥᑦ ᒪᕐᕉᓐᓄᒃ. ᐊᑭᖓᓂ ᒥᑦᑎᒪᑕᓕᒃ ᒪᓐᓂᑖᕋᔪᑦᑐᑦ ᐊᑯᓐᓂᖏᒻᓂ 12 ᐊᒻᒪ 21 ᔫᓂ, ᐊᒻᒪ ᐃᓄᕈᓐᓂᐊᖅᑐᑎᑦ ᒪᕐᕉᓐᓂᒃ ᐱᓇᓱᐊᕈᓰᓐᓂ ᓯᕗᓪᓕᖅᐹᖏᓐᓂ ᔪᓚᐃ. ᓇᐅᔮᕋᖏᑦ ᓇᐅᔭᕕᐊᑦ ‘ᐃᒻᒥᓃᖅᑐᑦ’, ᑐᑭᖃᖅᑐᖅ ᐱᑭᐅᖓᓃᒍᓐᓃᐸᑦᑐᑦ ᐊᒻᒪ ᓅᑦᑐᑎᑦ ᓇᒻᒥᓂᖅ 24 ᑎᑭᑦᑐᒍ 48 ᐃᑲᕐᕋᑐᐃᓐᓇᕐᓂᖅᑦ ᓇᐅᔮᕋᕈᓚᐅᖅᑎᓪᓗᒋᑦ. ᐅᖓᓯᓪᓕᕙᓪᓕᐊᕙᑦᑐᑦ ᐱᑭᐅᖏᓐᓂ ᖃᐅᑕᒫᑦ ᐅᖓᓯᓐᓂᖃᖅᑐᓂᑦ ᐊᒥᓱᒐᓚᓐᓂᑦ ᕼᐊᓐᓇᓚᓂᑦ ᒦᑕᓂᑦ ᐱᓇᓱᐊᕈᓯᕐᓂ ᒪᕐᕉᓐᓂᒃ ᐱᖓᐊᓱᓂᓪᓘᓐᓃᑦ. ᑕᒪᓐᓇ ᓇᐅᔮᕋᖏᓐᓂ ᖁᐱᕐᕈᓂᑦ ᓂᕆᒍᓐᓇᑎᑦᑎᔪᖅ. ᐊᓯᖏᑦ ᓂᕿᒋᔭᖏᑦ ᐱᑕᖃᖅᑎᑕᐅᔪᑦ ᑕᒪᒃᑭᖏᓐᓄᑦ ᓇᐅᔭᑯᐊᓄᑦ ᓂᕆᑎᑉᐸᑦᑕᖏᑦ ᐊᖏᓂᖅᓴᓂᑦ ᓲᕐᓗ ᐊᕕᓐᖓᐃᑦ. ᐱᓇᓱᐊᕈᓰᑦ ᐱᖓᓱᑦ ᐊᓂᒍᖅᑎᓪᓗᒋᑦ, ᓇᐅᔮᕋᖏᑦ ᓱᓕ ᑐᓐᖓᕕᖃᖅᑐᑦ ᐊᖏᔪᖅᑳᖏᓐᓂ, ᑭᓯᐊᓂ ᑎᑭᒍᓐᓇᖅᓯᔪᑦ. ᐊᖏᔪᖅᑳᖏᑦ ᓴᐳᒻᒥᑦᑎᓂᐊᖅᑐᑦ ᐊᒻᒪ ᓂᕆᑎᑦᑎᓗᑎ ᓴᐅᔮᕌᖏᓐᓂ ᑎᑭᒐᓱᐊᕐᓂᖓᓄᑦ ᓄᖑᖏᓐᓂ ᐋᒡᒌᓯ, ᓯᕗᓪᓕᖅᖅᐹᖓᓂ ᐅᑎᖅᑕᕆᐊᓂᐊᖅᑐᑦ ᑐᕌᖅᑐᑎᑦ ᐅᑭᐊᓪᓕᕕᖏᓐᓄᑦ.

ᐸᐱᕈᑯᑖᓕᒃ ᓇᐅᔭᕕᐊᖅ ᐅᖓᓯᑦᑯᑐᒧᑦ ᐃᖏᕋᒍᓐᓇᖅᑐ

ᐃᔅᓱᓐᖓᖅ ᑕᓕᖅᐱᐊᓂ ᓂᐅᖕᒥᐅᑕᓕᒃ ᐊᐅᒃᑕᔫᒃᓴᔭᒥᒃ.

ᑐᑭᓯᑦᑎᐊᓂᖅᓴᕆᓗᒋᑦ ᐅᑎᖅᑕᖃᑦᑕᕐᓂᖏᑦ ᓇᐅᔭᕕᐊᑦ, ᐱᒻᒪᕆᐅᔪᖅ ᐋᖅᑭᑦᑕᐅᓚᐅᖅᑐᑦ ᓄᓇᒥ ᓇᒦᓐᓂᖏᓐᓄᑦ ᓇᓂᓯᔾᔪᑎᓂᑦ ᐊᑭᖓᓂ ᒥᑦᑎᒪᑕᓕᒃ ᐊᑯᓐᓂᖏᓐᓂ 2014 ᐊᒪ 2019. ᑖᑯᐊ ᒥᑭᔪᑦ (<1 g, 14 x 8 mm), ᐋᖅᑭᑦᑕᐅᔪᑦ ᑎᒻᒥᐊᒧᑦ ᓂᐅᖓᓄᑦ ᐊᒻᒪ ᑎᑎᕋᖅᑕᐅᓪᓗᑎ ᑐᑭᓯᒋᐊᕈᑎᖏᑦ ᐊᕐᕌᒍᓕᒫᖅ. ᖃᐅᔨᑎᑦᑎᒐᓐᓇᓚᐅᖅᑐᑦ ᐅᕙᑦᑎᓐᓂ ᐅᑎᖅᑕᖃᑦᑕᕐᓂᖏᓐᓄᑦ, ᐅᑎᖅᑕᑎᓪᓗᒋᑦ ᐊᖅᑯᑎᖏᑦ ᐊᒻᒪ ᐅᑭᐅᒃᑯᑦ ᓇᒧᓐᖓᕐᓂᕆᕙᑦᑕᖏᑦ ᑖᒃᑯᐊ ᐃᒪᕐᒥᐅᑕᐃᑦ ᑎᒻᒥᐊᑦ, ᖃᐅᔨᒪᔭᐅᓂᖃᑦᑎᐊᖏᑦᑐᑦ.

ᑐᑭᓯᒋᐊᕈᑏᑦ ᓄᐊᑕᐅᔪᑦ ᐃᒻᒥᑰᖅᑐᓂ ᓇᓗᓇᐃᒃᑯᑕᓕᓐᓂᑦ ᓇᒦᓐᓂᖏᓐᓄᑦ ᖃᐅᔨᔾᔪᑎᓕᓐᓂᑦ ᑕᑯᔅᓴᐅᑎᑦᑎᔪᑦ ᐃᓐᓇᖏᑦ ᐃᕙᕕᖏᓐᓂ ᐱᑭᐅᕐᕕᖏᓐᓂ ᕿᒪᐃᕙᑦᑐᑦ ᓄᖑᖏᓐᓂ ᐋᒡᒌᓯ ᐱᒋᐊᖅᑐᑎᑦ ᓯᕗᓪᓕᖅᐹᖓᓂ ᐅᑎᖅᐸᓪᓕᐊᓕᖅᑎᓪᓗᒋᑦ, ᖃᖓᑕᓂᖃᖅᑐᑦ ᐅᖓᑖᓂ 3,000 km. ᐃᖏᕋᓪᓗᑎ ᑭᓪᓕᖓᒍᑦ ᐅᐊᓐᓇᖓᑕ ᓄᓇᖅᐸᓯᖓᒍᑦ ᕿᑭᖅᑖᓗᒃ, ᓇᐅᔭᕕᐊᑦ ᑎᑭᑉᐸᑦᑕᖏᑦ ᐅᐊᓐᓇᖓ ᐊᑦᓛᓐᑎᒃ ᐃᒪᖓ ᐊᒻᒪ ᐃᖏᕋᓯᒋᐊᓐᖓᐸᑦᑐᑦ ᐅᑎᖅᑕᕆᐊᕐᓂᖏᓐᓄᑦ ᓄᖅᑲᖓᕕᖃᑲᐃᓐᓇᖅᑐᑦ ᖃᓂᒋᔭᖓᓂ Great Banks of Newfoundland. ᑕᒪᓐᓇ ᓂᕿᔅᓴᖃᑦᑎᐊᕐᓂᖓᓄᑦ ᓂᕆᒍᓐᓇᑎᑦᑎᔪᑦ ᐱᓇᓱᐊᕈᓯᒐᓚᓐᓂᑦ. ᐅᑦᑑᐱᕆᒥ, ᐃᓚᖓ ᐱᔭᕇᖅᐸᑦᑕᖓ ᐅᐊᓐᓇᖓᓄ, ᑕᖅᑭᒐᓚᓐᓂᑦ ᓇᔪᖅᓯᓂᐊᖅᑐᑎᑦ. ᑕᒪᓐᓇ ᐃᓚᖓ ᐅᑎᖅᑕᕐᓂᕆᔭᖓ ᑭᒡᒐᖅᑐᐃᔪᖅ ᐃᖏᕋᑕᓐᓂᓂᕐᒧᑦ 4,000 ᑎᑭᑦᑐᒍ 12,000 km. ᐅᑭᐅᖑᑎᓪᓗᒍ, ᓇᐅᔭᕕᐊᑦ ᐱᖓᓪᓇᖓᓅᖅᐸᑦᑐᑦ ᓂᖓᑕ ᐊᐳᕆᑲ. ᑎᓴᒪᑦ ᐅᑭᐊᓪᓕᕕᓪᓗᐊᑕᐃᑦ ᓇᓗᓇᐃᖅᑕᐅᓯᒪᔪᑦ ᓇᐅᔭᕕᐊᓄᑦ ᑲᓇᑕᒥ ᑲᓇᓐᓇᖓᓂ ᐅᑭᐅᑕᖅᑐᒥ ᑎᒻᒥᐊᖏᑦ: CapeVerde, Gulf of Guinea, ᐊᕕᑦᑐᖅᓯᒪᔪᒥᑦ ᐱᐊᓐᒎᓚ ᓴᓂᐊᓂ ᓇᒦᒋᐊ, ᐋᖕᖑᓚ, ᐊᒻᒪ ᐱᖓᓐᓇᖓ ᓂᒋᖓᓂ ᐊᐳᕆᑲ, ᐊᒻᒪ ᑲᓇᓐᓇᖓ ᓂᒋᖓᓂ ᐊᐳᕆᑲ. ᓇᐅᔭᕕᐊᑦ ᐱᓇᓱᐊᕐᕕᒋᕙᑦᑕᖏᑦ ᑖᒃᑯᐊ ᓂᕿᔅᓴᑦᑕᖃᑦᑎᐊᖅᑐᑦ ᐅᑭᐅᖑᑎᓪᓗᒍ ᐅᑎᒧᑦ ᐅᑎᖅᑕᕆᐊᓚᐅᖅᑎᓐᓇᒋᑦ ᐱᑭᐅᖃᕐᕕᖏᓐᓄᑦ. ᒫᑦᓯᒥᑦ, ᑎᒻᒥᐊᑦ ᐅᑎᕆᐊᓕᖅᐸᑦᑐᑦ ᐅᑭᐅᑕᖅᑐᒧᑦ ᐅᑎᖅᑐᑎ ᐅᑭᐅᑕᖅᑐᒧᑦ. ᐃᖏᕋᓂᕆᔭᖃᖅᑐᑦ ᐊᒥᓱᒐᓚᓐᓂᑦ ᐱᓇᓱᐊᕈᓯᕐᓂᑦ ᑐᓐᖓᓂᖃᖅᑐᑦ ᐅᑭᐊᓪᓕᕕᒋᓚᐅᖅᑕᖓ ᐊᑐᓚᐅᖅᑕᖓ.