ᓯᕗᓂᐊᑕ ᑲᒪᒋᔭᐅᒋᐊᕐᓂᐊᑕ ᖃᐅᔨᓴᐃᓂᐅᑉ, ᒪᕐᕉᓐᓂᒃ ᑐᓴᕋᓱᐊᕆᓂᕐᓂᒃ ᑲᑎᒪᓂᖃᖅᖢᑕ ᕕᕗᐊᕆ−ᒫᔾᔨ 2005−ᒥ ᐅᓂᒃᑳᕆᓪᓗᒍ ᖃᐅᔨᓵᕆᔪᒪᔭᕗᑦ ᓄᓇᓕᐊᓄᑦ ᒥᑦᑎᒪᑕᓕᐅᑉ ᑐᙵᓴᐃᓪᓗᑕ ᓄᓇᓕᐅᑉ ᐃᓄᖏᓐᓂᒃ (ᐃᓐᓇᑐᖃᑦ ᑭᒡᒐᖅᑐᐃᔨᑦ ᐊᔾᔨᒋᙱᑦᑐᓂᒃ ᑲᑎᒪᔨᕋᓛᖑᔪᓂᒃ) ᐅᖃᐅᓯᖃᖅᖢᑎᒃ ᐃᓱᒪᒋᔭᒥᓐᓂᒃ, ᐃᓱᒫᓘᑎᒥᓐᓂᒃ ᐊᒻᒪᑦᑕᐅᖅ ᐅᖃᐅᔾᔨᖅᓲᑎᒋᔭᒥᓐᓂᒃ ᐋᖅᑭᒋᐊᕆᔾᔪᑎᒃᓴᐅᔪᓂᒃ.
ᐃᓚᖓᒍᑦ−ᑐᕌᖅᑎᑦᑎᔪᑦ ᐊᐱᖅᓲᑎᑦ
ᐊᖏᖅᑕᐅᑎᓪᓗᒍ ᓄᓇᓕᒋᔭᖏᑕ ᓯᕗᓕᖅᑎᖏᓄᑦ, ᐱᒋᐊᖅᖢᑎᒍ ᓯᕗᓪᓕᖅᐹᕆᔭᖓ ᐊᐅᓚᔾᔭᒋᐊᕈᑎᑦᑕ ᓄᓇᖃᖅᑳᖅᑐᑦ ᐆᒪᔪᑦ ᐊᐅᓚᓂᕆᓲᖏᓄᑦ ᖃᐅᔨᒪᓂᕆᔮᓂᒃ (TEK) ᑲᑎᖅᓱᖅᑕᐅᓂᖓᓄᑦ ᐊᐅᔮᒍᑦ 2005. ᐃᓗᐊᒍᑦ ᑖᔅᓱᒪ ᐊᓪᓗᕋᒃᓴᑦᑕ, ᐃᓄᐃᑦ ᖃᐅᔨᒪᓂᕆᔭᖏᑦ ᑎᑎᕋᖅᑕᐅᕙᓪᓕᐊᓪᓗᑎᒃ ᒪᓕᒃᖢᑎᒍᑦ ᑖᒃᑯᐊ ᐃᓚᖓᒍᑦ−ᑐᕌᖅᑎᑦᑎᔪᑦ ᐊᐱᖅᓲᑎᖃᓐᓃᑦ 21 ᐃᓐᓇᑐᖃᓂᒃ ᐊᖑᓇᓱᒃᑎᓂᒡᓗ ᐊᐱᖅᓱᐊᖃᖅᖢᑎᒃ ᒥᑦᑎᒪᑕᓕᖕᒥᐅᑕᐅᔪᓂᒃ. ᑕᒪᒃᑯᐊ ᐃᓚᖓᒍᑦ−ᑐᕌᖅᑎᑦᑎᔪᑦ ᐊᐱᖅᓲᑎᑦ, ᖃᐅᔨᓴᐃᔾᔪᑕᐅᒐᔪᓲᖑᕗᑦ ᑲᑎᖅᓱᐃᓇᓱᓕᕌᖓᒥᒃ ᐆᒪᔪᑦ ᐊᐅᓚᓂᕆᓲᖏᓐᓂᒃ ᖃᐅᔨᒪᔾᔪᑕᐅᓲᓂᒃ TEK, ᒪᑐᐃᖓᓪᓗᑎᒃ ᓇᓖᕌᒐᒃᓴᐅᓪᓗᑎᒃ ᐃᒡᓗᐊᓃᑦᑐᓂᒃ ᑐᕌᒐᖃᖅᖢᑎᒡᓗ ᐅᓂᒃᑳᖃᖅᑎᑦᑎᓂᕐᒥᒃ ᑭᐅᓂᕐᒥᐅᙱᑦᑐᖅ ᐄ ᐋᒃᑲ. ᑐᕌᖓᔪᓂᒃ ᐃᓱᒪᓕᐅᕆᔾᔪᑎᓂᒃ ᓴᖅᑮᓯᒪᓪᓗᑕ ᓯᕗᓂᐊᒍᑦ ᑭᓯᐊᓂᓕ ᑖᒃᑯᐊ ᐊᐱᖅᑯᑎᕗᑦ ᒪᑐᐃᖓᔾᔪᐋᕋᓱᒃᖢᑎᒃ, ᐊᐱᖅᓱᖅᑕᕗᑦ ᐃᒻᒥᒍᑦ ᐃᓗᓪᓕᖅᓱᐄᔪᓐᓇᑦᑎᐊᖅᖢᑎᒃ ᐊᑑᑎᒋᔭᒥᓐᓂᒃ ᖃᐅᔨᒪᓂᐊᒍᑦ, ᐊᒻᒪᑦᑕᐅᖅ ᐃᓚᖓᒍᑦ ᓂᕆᐅᒋᔭᐅᓯᒪᙱᑦᑎᐊᖅᑑᒐᓗᐊᓂᒃ ᐊᐱᖅᓱᖅᑎᐅᔪᒧᑦ. ᑕᐃᒫᒃ ᐊᐅᓚᑎᓪᓗᒋᑦ, ᐊᐱᖅᓱᖅᑕᐅᔪᖅ ᑭᓯᐊᓂ ᑐᓴᖅᑕᐅᔪᒪᔪᓕᒫᓂᒃ ᑕᐃᔭᐃᓐᓇᖃᓲᖑᙱᒃᑭᓪᓗᑎᒃ ᖃᐅᔨᓴᖅᑎᒧᑦ ᐱᖃᓯᐅᔾᔭᐅᔪᒥᒋᔭᐅᔫᒐᓗᐊᒥᒃ.
ᐊᑐᓂ ᐊᐱᖅᓱᓐᓂᕗᑦ ᐱᒋᐊᕈᑎᖃᖅᖢᓂ ᐊᐱᖅᓲᑎᓂᒃ ᐱᔾᔪᑎᖃᖅᑐᑦ ᐃᓅᓯᐊᑕ ᐊᐱᖅᓱᐋᖑᔫᑉ (ᑕᐃᔭᐅᒻᒥᔪᖅ ᑐᑭᓯᑎᑦᑎᔨ), ᑐᕌᒐᖃᖅᖢᑎᒃ ᑖᔅᓱᒪ ᐃᓅᕝᕕᕕᓂᐊᑕ ᓄᓇᖓᓐᓂᒃ ᓇᒥᓪᓗ ᐊᖑᓇᓱᓪᓗᐋᑕᖃᑦᑕᖅᓯᒪᖕᒪᖔᑦ ᐃᓅᓯᕐᒥᓂᒃ. ᑕᒪᒃᑯᐊ ᑐᕌᖓᓪᓗᑎᒃ ᐊᐱᖅᑯᑎᑦ ᑎᕆᒐᓂᐊᓄᑦ ᑲᖑᕐᓄᓪᓗ. ᐸᐃᑉᐹᑦ ᓄᓇᙳᐋᑦ ᐊᕙᑎᐊᓄᑦ (1:250,000) ᐊᑐᓚᐅᖅᖢᒋᑦ ᐊᑐᓂ ᐊᐱᖅᓲᑎᑎᒍᑦ ᐱᓗᐊᖅᑐᒥᒡᓗ ᐃᖅᑲᐃᓯᔾᔪᑎ ᐅᖃᕆᐊᕈᑎᒃᓴᐅᓪᓗᒍ ᖄᒃᑲᓐᓂᐊᒍᓪᓗ ᑎᑎᕋᖅᐸᓪᓕᐊᓪᓗᒋᑦ ᓄᓇᑎᒍᑦ ᖃᐅᔨᒪᓂᕆᔭᖏᑦ. ᐊᑯᓐᓂᐊᒍᑦ ᔪᓚᐃ ᐊᒻᒪ ᐋᒡᒐᓯ 2005, ᐃᒻᒪᖄ ᖃᓂᒋᔮᓄᑦ 40 ᐃᑲᕐᕋᑦ ᐊᐱᖅᓱᕈᑎᑦᑎᓐᓄᑦ ᓂᐱᓕᐅᖅᖢᒋᑦ ᑭᖑᓂᐊᒍᓪᓗ ᕿᒥᕐᕈᓇᒃᑕᐅᒃᑲᓐᓂᖅᖢᑎᒃ ᐅᑭᐊᒃᓵᖓᒍᑦ ᐅᑭᐅᖓᒍᓪᓗ 2005-2006.
ᐅᖃᐅᓯᖃᑎᒌᑦ ᑲᑎᑎᑕᑦ
ᑭᖑᓪᓕᐊ ᐊᓪᓗᒐᕆᓂᕗᑦ ᖃᐅᔨᓵᕆᔭᑦᑎᒍᑦ, ᐊᐅᔮᒍᑦ 2006, ᑐᕌᒐᖃᓚᐅᖅᐳᖅ ᕿᒥᕐᕈᐃᓂᕐᒥᒃ ᐊᒻᒪᑦᑕᐅᖅ ᑕᒻᒪᖏᓐᓂᑦᑕ ᖃᐅᔨᓵᕆᔭᐅᓂᖓᑕ ᑐᑭᓯᐅᒪᓂᕆᔭᕗᑦ ᖃᐅᔨᒪᓂᕆᔭᐅᔫᑉ TEK ᑲᑎᖅᓱᐊᕗᑦ ᓯᕗᓂᐊᒍᑦ ᐊᕐᕌᒍᑎᒍᑦ. ᐃᑲᔪᖅᑎᖃᖅᖢᑕ ᓄᓇᓕᒻᒥᐅᑕᒥᒃ, ᖃᐅᔨᓴᖅᑎᕗᑦ ᑕᒪᐃᓐᓂᒃ ᕿᒥᕐᕈᓪᓗᑎᒃ ᐊᐱᖅᓱᐋᕆᔭᕕᓂᖏᑕ ᐃᓗᓕᖏᓐᓂᒃ ᑐᑭᓯᑦᑎᐊᖅᑕᐅᙱᑦᑐᑦ ᐃᓚᑰᖅᑰᔨᔪᓪᓘᓐᓃᑦ. ᑲᑐᔾᔨᓪᓗᑎᒃ, ᖃᐅᔨᓴᖅᖢᒋᑦ ᑐᑭᓯᔭᒃᓴᐅᒻᒪᖔᖏᑕ ᐅᖃᐅᓯᐅᔪᑦ ᐊᐱᖅᓱᖅᑕᐅᔪᒧᑦ, ᓈᓚᒃᖢᒍ ᓂᐱᓕᐅᒐᖓᑦ, ᐅᕝᕙᓘᓐᓃᑦ ᐅᖄᓪᓚᓪᓗᒍ ᑖᓐᓇ ᐃᓄᒃ ᐊᐱᖅᓱᐋᕕᓂᕆᔮ.
ᑎᓴᒪᑦ ᑐᕌᖓᔪᒥᒃ ᐅᖃᐅᓯᖃᕆᐊᖅᑐᖅᑐᑦ ᑲᑎᒪᑎᑕᐅᓪᓗᑎᒃ ᔫᓂ 2006 ᐃᓗᐊᓂ. ᑕᐃᑰᓇ ᑲᑎᒪᑎᑕᑦᑎᒍᑦ ᑐᕌᒐᖃᖅᑐᓂᒃ, ᑎᓴᒪᑦ ᑕᓪᓕᒪᓄᑦ ᐃᓐᓇᑦ ᐊᖑᓇᓱᒃᑏᓪᓘᓐᓃᑦ ᐅᖃᐅᓯᖃᖅᖢᑎᒃ ᐅᑯᓂᖓ ᐃᓗᓪᓕᖅᓱᖅᑕᐅᕙᓪᓕᐊᔪᓂᒃ ᐅᖃᐅᓯᒃᓴᓄᑦ:
- ᑎᕆᒐᓂᐊᑉ ᐃᓅᓯᐊᒍᑦ ᐊᐅᓚᓂᕆᓲᖏᑦ
- ᑲᖑᐃᑦ ᐃᓅᓯᐊᒍᑦ ᐊᐅᓚᓂᕆᓲᖏᑦ
- ᐊᓯᔾᔨᕈᑕᐅᓯᒪᔪᑦ ᐅᔾᔨᕆᔭᐅᓕᖅᑐᑦ ᑕᒫᓂ ᐊᕙᑎᒋᔭᐅᔪᒥᒃ
- ᐃᓄᐃᑦ ᑕᐅᑐᙳᐊᕆᓂᖓ ᐆᒪᔪᐃᑦ ᐃᓗᐃᑦᑑᓪᓗᑎᒃ ᐊᐅᓚᓂᕆᔮᓄᑦ ᖃᓄᓪᓗ ᐃᓚᐆᑎᑕᐅᓂᖓ ᑲᒪᔾᔪᑎᒋᔭᖏᒍᑦ
ᑖᒃᑯᐊ ᑐᕌᒐᖃᖅᑎᑕᑦ ᑲᑎᒪᔪᑦ ᒪᕐᕉᓐᓂᒃ ᑎᑯᒃᓴᕈᐃᓇᓱᓚᐅᖅᑑᒃ: 1) ᐅᓂᒃᑳᕆᓗᒋᑦ ᐊᑑᑎᓛᑦ ᐅᖃᐅᓯᒃᓴᖏᑦ ᓴᖅᑭᓐᓂᑯᑦ ᐊᐱᖅᓲᑕᐅᔪᓂᒃ ᐊᕐᕌᒍᐊᓂ 2005 ᑖᒃᑯᐊᓗ ᐊᐱᖅᓲᑎᖃᖅᑐᑦ ᑭᒡᒍᑕᐅᔪᓂᒃ ᑐᑭᓯᓂᖃᑦᑎᐋᕐᓂᕐᒪᖔᖏᑕ, ᐊᒻᒪᑦᑕᐅᖅ 2) ᕿᒥᕐᕈᒃᑲᓐᓂᕐᓗᒋᑦ ᐃᓚᖏᑦ ᐅᖃᐅᓯᐅᔪᑦ ᐃᓗᐃᑦᑑᓂᖅᓴᐅᔪᒥᒃ. ᑕᒪᐃᓐᓂᒃ ᑲᑎᒪᓂᐅᔪᑦ ᓂᐱᓕᐅᖅᑕᐆᓪᓗᑎᒃ.
| ᑭᓲᕙ ᐃᓄᐃᑦ ᖃᐅᔨᒪᓂᕆᔭᖓ? | ᐃᓐᓇᑐᖃᑦ−ᒪᒃᑯᒃᑐᓪᓗ ᑕᖕᒫᕝᕕᒋᔭᖓ |