ᐃᓚᖏᒃ ᖁᐱᕐᕈᐃᑦ ᓱᕐᓗ ᖃᖓᑕᓲᑦ ᐋᓯᕙᐃᓪᓗ ᓇᓗᓇᐃᖅᑕᐅᓂᑰᕗᑦ ᑭᖑᕝᕕᒐᒃᓴᐅᙱᑦᑐᑦ ᐱᕈᖅᑐᓄᑦ ᐊᑐᖅᑕᐅᓪᓗᑎᒃ ᑭᖑᕚᓕᐅᕆᔾᔪᑎᖏᓄᑦ, ᐊᑑᑎᖃᓪᓚᕆᒃᖢᑎᒃ ᐃᔾᔪᕐᒥᒃ ᐱᕈᕈᑎᖏᓐᓂᒃ ᓴᖅᑮᕙᒃᖢᑎᒃ ᐊᒻᒪᓗ ᐊᖏᔪᒥᒃ ᐃᓗᓕᖃᖅᑐᑦ ᐅᑭᐅᖅᑕᖅᑑᑉ ᓂᖃᐅᖃᑦᑎᒌᓲᑦ ᐊᒃᑐᐊᓂᕆᔭᖏᒍᑦ. ᑭᓯᐊᓂᓕ, ᑲᓇᑕᐅᑉ ᐅᑭᐅᖅᑕᖅᑐᐊᑕ ᓇᐹᖅᑐᖃᙱᑦᑐᖓᒍᑦ, ᖃᐅᔨᒫᓂᒃᑕᐅᓇᑎᒃ ᖃᓄᐃᑦᑑᓂᖏᑕ ᖁᐱᕐᕈᐃᑦ, ᐆᒪᔪᐃᑦ ᐊᐅᓚᓂᖏᒍᑦ ᐃᓂᒋᔭᖏᑦ, ᓴᖅᑮᑐᐃᓐᓇᕆᐊᓕᖏᓪᓗ ᓯᓚᐅᑉ ᐅᖅᑰᓯᕙᓪᓕᐊᓂᖓᓄᑦ. ᖁᐱᕐᕈᒐᓚᐃᑦ ᖃᐅᔨᒪᔭᐅᔪᑦ ᐃᒃᐱᒍᓱᒃᓴᕋᐃᓐᓂᖏᑕ ᐆᓇᔪᖕᓂᐊᓄᑦ ᐱᕈᓐᓂᖏᓪᓗ ᕿᑎᕈᓪᓗᓕᐅᓂᖏᑦ ᑭᒡᓕᖃᓲᖑᒻᒪᑕ ᒥᑭᑦᑐᒻᒪᕆᒻᒧᑦ ᒪᑐᐃᖅᓯᒪᓂᕐᒧᑦ ᓯᓚᐅᑉ ᐅᖅᑰᓂᖓᒍᑦ ᐅᑭᐅᖅᑕᖅᑐᒥ. ᑕᒪᓐᓇ ᓴᖅᑮᒐᔪᓲᖅ ᕿᓚᒥᑯᓗᒃ ᐊᒥᓱᐋᓘᑲᐃᓐᓇᖅᖓᖢᑎᒃ ᐊᐅᓪᓚᔾᔭᒋᐊᓱᖓᕌᖓᒥᒃ ᐊᐅᔭᐅᑎᓪᓗᒍ.
 |
 |
 |
 |
| ᕿᓐᓂᖅᑖᖅ ᖁᐸᓄᐊᖅ | ᕿᒃᑐᕆᐊᖅ | ᐊᓯᕙᒃ | ᓯᒡᔭᕆᐊᖅᓱᒡᔪᒃ |
ᐊᑭᐊᖓᓂ, ᐊᒥᓱᐋᓗᐃᑦ ᖁᐱᕐᕈᖅᑐᓲᑦ ᑎᖕᒥᐊᒐᓴᑦ, ᓲᕐᓗ ᓯᒡᔭᕆᐊᒐᓴᐃᑦ ᐊᒻᒪᓗ ᓂᐱᖃᖅᑏᑦ, ᑐᙵᕕᖃᓲᑦ ᖁᐱᕈᓂᒃ ᐊᓐᓇᐅᒪᔾᔪᑎᒋᓪᓗᒍ ᐊᒻᒪᓗ ᐃᕙᑦᑎᐊᕈᑕᐅᓪᓗᑎᑦ. ᐊᑑᑎᖃᓪᓚᕆ ᐊᒻᒪᑦᑕᐅᖅ ᐊᒃᓱᕉᑕᐅᓲᖅ ᑎᖕᒥᐊᓄᑦ ᐱᓗᐊᖅᑐᖅ ᐃᕙᔭᖏᑦ ᐊᐃᑦᑕᐅᖅᑑᙳᓐᓂᖏᑦ ᓈᒻᒪᓈᕆᒐᓗᐊᕐᒪᖔᑦ ᐊᓂᓯᒋᐊᖅᑐᐋᓘᔭᕋᖓᑕ ᓄᓇᒥᒃ, ᑕᒪᓐᓇ ᐊᐅᔭᐅᑉ ᕿᑎᐸᓗᐊᓂ. ᓯᓚᐅᑉ ᐊᔾᔨᒋᔪᓐᓃᕈᑎᖏᑦ ᐊᒃᑐᐃᖏᓐᓇᑐᐃᓐᓇᕆᐊᓖᑦ ᐅᓪᓗᖁᑎᖏᑕ ᐊᒃᑎᒋᓂᖃᓐᓂᖏᑕᓗ ᑲᑎᖅᓱᖓᔪᑦ ᖁᐱᕐᕈᐋᓘᐃᑦ ᐊᑐᐃᓐᓇᐅᓯᒋᐊᓐᓂᖏᑦ, ᑕᒪᓐᓇ ᓱᕐᕌᔭᖃᕈᓐᓇᕆᕗᖅ ᑕᖃᔭᑦᑐᐊᕋᖏᑦ ᒥᑭᓗᐊᓪᓗᑎᒃ ᐊᒥᓱᕈᑲᑕᙱᓪᓗᑎᒃ. ᒫᓐᓇ ᖃᐅᔨᓵᕗᑦ ᖁᐱᕈᑐᖅᑏᑦ ᑎᖕᒥᐊᖏ ᐊᓯᔾᔨᐅᑎᕙᓪᓕᐊᔪᓄᑦ ᐅᑭᐅᖅᑕᖅᑐᒥ (ᑕᑯᓗᒍ ᓯᒡᔭᕆᐊᑦ ᑎᖕᒥᐊᑦ) ᐊᒻᒪᓗ ᓇᓗᓇᐃᕆᓇᓱᓲᖑᔪᒍᑦ ᐃᓗᓕᕆᔭᖏᓐᓂᒃ ᐊᒃᑐᐃᓂᖃᓲᑦ ᖁᐱᕐᕈᐃᑦ ᐊᑐᐃᓐᓇᐅᓂᕆᓲᖏᑕ ᓂᕿᒃᓴᕆᔭᐅᓲᑦ ᐃᕙᔪᓄᑦ ᑎᖕᒥᐊᓄᑦ ᐊᑭᐊᖓᓂ.
ᐅᑯᐊ ᑐᕌᒐᕗᑦ ᑎᑭᓐᓇᓱᒃᑕᕗᑦ ᐅᑯᐊ:
- ᓇᓚᐅᑦᑖᕐᓗᒋᑦ ᐊᕐᕌᒍᐊᓂ, ᐃᓂᖃᕝᕕᒋᓲᖏᑕ ᐊᒻᒪᓗ ᑕᖅᑮᑦ ᐊᔾᔨᒌᙱᑦᑕᕌᖓᑕ ᐱᑕᖃᖅᑎᑦᑎᔪᓂᒃ ᓄᓇᐅᑉ−ᖄᖓᒍ ᐊᐅᓚᓲᑦ ᐊᒻᒪᓗ ᓄᓇᖅᐸᓯᓲᑦ ᖁᐱᕐᕈᖏᑦ ᑎᖕᒥᓪᓗᑎᒃ (ᖁᐱᕐᕈᐃᑦ ᐊᒻᒪᓗ ᐋᓯᕙᑦ)
- ᖃᐅᔨᓵᕆᓗᒋᑦ ᐊᕐᕌᒍᒐᓴᑎᒍᑦ ᐊᔾᔨᒋᔪᓐᓃᕐᓂᖏᑕ ᑕᖅᑭᖏᒍᑦ ᐊᐅᔭᒥᒡᓗ ᐊᐅᓚᓂᕆᓲᖏᑦ ᐃᓅᓯᖏᑦ ᓄᓇᐅᑉ−ᖄᖓᒍ ᐊᐅᓚᓲᑦ ᖁᐱᕐᕈᐃᑦ (ᐃᓐᓇᐅᓕᕌᖓᒥᒃ ᐊᒻᒪᓗ ᕿᑎᕈᓪᓕᐅᑎᓪᓗᒋᑦ)
ᑕᐃᑲᙵᓂᑦ 2005, ᖁᐱᕈᕋᓲᑎᓄᑦ ᐱᔨᑦᑎᕈᑎᒋᓲᕗᑦ ᓴᓇᐅᒪᔭᐅᔪᑦ ᓄᓇᒥᐅᑕᓂᒃ ᖁᐱᕐᕈᓄᑦ ᐊᒻᒪᓗ ᐊᖅᐸᓯᓲᑦ ᑎᖕᒥᓪᓗᑎᒃ ᖃᓄᑎᒋ ᑕᖅᑭᖏᒍᑦ ᐱᑕᖃᓐᓂᕆᓲᖑᒻᒪᖔᖏᓂᒃ ᐸᓂᖅᑐᒃᓂᑦ ᐊᒻᒪᓗ ᒪᓴᐅᒐᔪᓲᑦ ᓄᓇᖏᑦ ᓇᔪᒐᐅᓲᑦ ᓂᕐᔪᑎᓄᑦ ᐊᑭᐊᖓᓂ. ᐅᓄᖅᑐᒻᒪᕇᑦ ᐋᓯᕙᑦ ᓂᒡᔪᐊᔾᔪᐄᓪᓗ ᐱᔭᕆᔭᐅᓪᓗᑎᒃ ᐃᓚᖃᖅᖢᑎᒃ ᑭᒡᒐᖅᑐᖅᑎᓂᒃ 33−ᖑᔪᑦ ᑲᑎᖅᓱᖓᖃᑎᒌᑦ ᐃᓚᒌᖅᓱᖅᑐᑦ. ᖁᐱᕐᕈᐃᑦ ᐱᔭᕆᔭᕗᑦ ᐊᓇᙱᐅᒐᔪᒃᖢᑎᒃ, ᑭᓯᐊᓂᓕ ᐃᓚᖃᓚᐅᓲᑦ ᑲᐴᑎᖃᓲᑦ ᐊᑐᙱᑦᑐᖅ ᐊᒻᒪᓗ ᖃᔅᓯᒐᓚᑦ ᒥᙳᐃᑦ. ᐃᓗᐃᑦᑑᔪᒥᒃ ᑎᑎᕋᖅᓯᒪᔪᒥᒃ ᐱᑕᖃᓐᓂᖏᓄᑦ ᐊᑭᐊᖓᓂ, ᑕᑯᒋᐊᕈᓐᓇᖅᑕᓯ ᐅᓇ ᐊᖅᑯᓵᕆᓗᒍ ᓄᓇᒥᐅᑕᑦ ᖁᐱᕈᕆᔭᐅᓲᑦ ᑎᑎᕋᖅᓯᒪᔭᖏᑕ.
 |
 |
 |
ᐃᓗᐃᑦᑑᔪᑦ ᖃᐅᔨᓵᓄᑦ ᓇᓗᓇᐄᕈᑎᖏᑦ ᑕᖅᑭᖏᒍᑦ ᖃᐅᔨᓴᖅᑕᐅᓲᖑᓂᖏᑕ ᖁᐱᕐᕈᖃᓐᓂᕆᔮᑕ ᓄᓇᖓ ᐊᑭᐊᖓᓂ ᐊᑐᐃᓐᓇᐅᕗᖅ ᐅᕙᓂ NordicanaD.
ᖁᐱᕐᕈᐃᑦ ᐆᒪᓂᕆᓲᖏᑕ ᐊᐅᓚᓂᖏᑦ ᓯᓚᐅᓪᓗ ᐊᐅᓚᓂᐊ
ᐅᑭᐅᖅᑕᖅᑑᑉ ᐆᒪᔪᖃᕝᕕᖏᑕ ᐊᐅᓚᓂᕆᔭᖏᑦ ᐅᓪᓗᒥ ᓱᒃᑲᓂᖅᓴᒥᒃ ᐅᖅᑰᓯᕙᓪᓕᐊᒻᒪᑕ ᐊᓯᓕᒫᓂᒃ ᓄᓇᐅᔪᓂᒃ ᓄᓇᔾᔪᐊᕐᒥᑦ. ᒥᑭᑦᑑᓂᖅᓴᑦ ᖁᐱᕐᕈᐃᑦ ᐅᒃᐱᒋᔭᕐᓂᖅᓴᑦ ᐆᒪᔪᒥᒍᑦ ᐊᓯᔾᔨᐅᑎᔪᓂᒃ ᑕᒪᒃᑯᓂᖓ ᐊᖏᓕᕆᔭᒥᑕ ᖁᐱᕈᖏᓐᓂᒃ, ᑕᒪᓐᓇᓕ ᓂᕿᒋᔭᐅᔪᑦ ᓂᕿᖃᖅᑏᓪᓗ ᓇᓕᒧᒃᓱᖏᓐᓂᖏᑦ ᐊᖏᔪᒥᒃ ᐊᓯᔾᔩᔪᓐᓇᖅᑐᖅ ᓂᕿᑐᖅᑎᐅᔪᒧᑦ ᓂᕿᒋᔭᐅᔪᒧᓪᓗ. ᖁᐱᕐᕈᐃᑦ ᓇᔪᒐᖃᕐᒥᖕᒪᑕ ᐅᑭᐅᖅᑕᖅᑐᒥ ᑐᙵᕕᖃᓪᓚᕆᓲᑦ ᐊᕙᑎᖓᓐᓂᒃ ᑲᒪᒋᓪᓗᓂᐅᒃ ᑎᒥᖓᑕ ᐅᖅᑰᓯᓂᖓ. ᑕᐃᒪᐃᓐᓂᑯᐊᓄ, ᐊᒥᓲᓂᕆᓲᖏᑦ ᐊᖏᔪᒥᒃ ᐊᒃᑐᖅᑕᐅᓂᖃᓲᑦ ᐊᕙᑎᒋᔮᑕ ᐆᓇᔪᖕᓂᕆᓲᖓᑕ. ᐆᓇᔪᖕᓂᖅ ᐊᒃᑐᐃᔪᓐᓇᖅᑐᖅ ᖁᐱᕐᕈᐃᑦ ᐆᒪᔪᖃᐅᓯᖓᓂᒃ (ᓲᕐᓗ, ᐅᓪᓗᖓ ᐊᒥᓲᓛᖅ ᓴᖅᑭᒋᐊᕈᑖᑕ) ᑭᓯᓂᑦᑕᐅᖅ ᖁᐱᕐᕈᐃᑦ ᐊᒥᓲᓂᕆᑦᑕᖅᑕᖏᓄᑦ. ᖁᐱᕐᕈᖅᑐᖅᑏᑦ ᑎᖕᒥᐊᖏᑦ ᐅᑭᐅᖅᑕᖅᑐᒥ ᐃᕙᓲᑦ ᐅᖓᓯᒃᑐᐋᓗᖕᒥᙶᖃᑦᑕᕐᒪᑕ ᖁᐱᕐᕈᐃᓐᓇᕐᒧᑦ ᐊᕐᓇᐅᒪᓪᓗᑎᒃ ᐊᒻᒪᓗ ᓂᕆᐅᒋᔭᐅᓂᖃᖅᑐᑦ ᐃᒃᐱᖕᓂᖅᓴᕋᐃᑦᑐᒥᒃ ᐊᔾᔨᒌᖏᓗᐊᖅᑐᒥᒃ ᐅᓪᓗᖁᑖᓂᒃ ᓇᓪᓕᖅᓯᖏᒃᑯᑎᒃ ᓯᓚᐅᑉ ᐅᖅᑰᓯᓵᓕᓂᖓᓄᑦ. ᐅᖅᑰᓯᓂᖅ ᐊᓱᐃᓛᒃ ᓴᖅᑮᔪᓐᓇᖅᑐᑦ ᐊᓯᔾᔨᐅᑎᔪᓂᒃ ᖁᐱᕐᕈᐃᑦ ᐊᑐᐃᓐᓇᐅᓂᖏᓄᑦ ᐊᒃᑐᐃᓂᖃᕈᓯᖏᓪᓗ ᑎᖕᒥᐊᓄᑦ ᓇᓪᓕᐊᖑᔪᓐᓇᖅᑐᖅ ᐱᐅᔪᖅ ᐅᕝᕙᓗ ᐱᐅᙱᑦᑐᖅ.
ᐊᑭᐊᖓᓂ, ᓇᓂᔭᖃᓚᐅᖅᑐᒍᑦ, ᓇᓕᒧᒋᙱᓗᐊᕈᑎᒃ ᐊᐃᑦᑕᐅᖅᑑᕈᓐᓂᖏᑕ ᓯᒡᔭᕆᐊᑦ ᐊᒻᒪᓗ ᐅᓪᓗᖓ ᐊᒥᓲᓛᑦ ᑐᒃᑐᕙᐃᑦ ᓴᖅᑭᔮᕐᓂᖏᑦ ᑲᑕᒃᑎᑦᑎᔪᓐᓇᖅᑐᑦ ᐱᐊᕋᖓᑕ ᐱᕈᖅᐸᓪᓕᐊᓂᕆᔮᓂᒃ. ᖃᕆᓴᐅᔭᒃᑯᑦ ᑕᐅᑐᙳᐊᕈᑎᓂᒃ ᓴᖅᑮᒋᓪᓗᑕ ᓇᓚᐅᑦᑖᕈᑎᒃᓴᑦ ᓴᖅᑭᑐᐃᓐᓇᕆᐊᓕᖕᓂᑦ ᐊᓯᔾᔨᐅᑎᔪᓂᒃ ᖁᐱᕐᕈᐃᑦ ᐊᑐᐃᓐᓇᐅᓂᖏᑦ ᐊᑐᖅᖢᒍ ᐅᖅᑰᓂᖅᓴᖅ ᓯᓚᐅᑉ ᐊᐅᓚᓂᖓ ᐊᒻᒪᓗ ᐱᐅᓯᕚᓪᓕᕋᓱᒃᖢᑎᒍᑦ ᐊᔪᙱᓐᓂᕗᑦ ᓂᕆᐅᒃᐸᒌᕈᓐᓇᖁᓪᓗᑕ ᓴᖅᑭᑐᐃᓐᓇᕆᐊᓕᓐᓂᒃ ᐊᒃᑐᐃᔭᖃᐅᓯᓂᒃ ᖁᐱᕈᖁᑎᑦᑎᓄᑦ.
|
| ᖃᓄᖅ ᓯᓚᐅᑉ ᐆᓇᖅᓯᕙᓪᓕᐊᓂᖓ ᐊᒃᑐᐃᓂᖃᕈᓐᓇᕐᓂᖅ ᖁᑉᐱᕐᕈᐃᑦ ᐊᓯᖏᓪᓗ ᐱᑕᖃᓲᖑᓂᖏᓐᓂᒃ. |
| ᐃᒪᕐᒥᐅᑕᐃᑦ ᑎᒻᒥᐊᑦ |