ᐃᓄᐃᑦ ᖃᕆᑕᐅᔭᒃᑯᑦ ᑐᓴᐅᒪᖃᑦᑕᐅᑎᕝᕕᖓᒍᑦ ᑐᓴᐅᒪᔪᓐᓇᕐᒪᑕ ᓄᓇᓖᑦ ᐃᓗᐊᓂ ᓯᓚᑖᓂᓗ ᐊᒻᒪᓗ ᐱᖃᑕᐅᔪᓐᓇᖅᓱᑎᒃ ᖃᐅᔨᒪᔭᐅᔭᕆᐊᖃᖅᑐᓂᒃ ᖃᐅᔨᑦᑎᑦᑎᖃᑦᑕᕈᓐᓇᕐᓂᖅ ᑕᒪᒃᑯᓂᖓ ᐱᔾᔪᑎᖃᖅᑐᓂᒃ ᐅᓗᕆᐊᓇᖅᑐᖃᕈᓐᓇᕐᓂᖏᓐᓂᒃ ᐊᑦᑕᕐᓇᖅᑐᓂᒃ ᓯᑯᒥᒃ, ᐆᒪᔪᓕᕆᓂᕐᒥᒃ ᐊᒻᒪᓗ ᐊᖑᓇᓱᒍᓐᓇᕐᓂᕐᒥᒃ ᐊᐅᓪᓛᖅᓯᒪᕝᕕᐅᕙᒃᑐᓂᒃ. ᐱᒋᐊᖅᑕᐅᓚᐅᖅᑐᑦ ᐃᓄᖕᓄᑦ ᐊᖑᓇᓱᒋᐊᖅᓯᒪᓂᖏᓐᓄᑦ ᐅᓂᒃᑳᕐᕕᐅᔪᓐᓇᕐᓂᕐᒧᑦ FᐄᔅBᐅᒃᑯᑦ ᓴᕿᑎᑕᐅᓯᒪᔪᓂᒃ ᑎᒥᖁᑎᒋᔭᐅᔪᓄᑦ, ᓯᑯ ᑕᐃᔭᐅᓂᖓ ᐃᓄᖕᓄᑦ ᑕᑯᓂᐊᕐᕕᐅᕙᒃᑐᖅ ᐊᑑᑎᖃᖅᑐᓂᒃ ᐃᖕᒥᓂᒃ ᐊᐅᓚᑦᑎᔨᐅᔪᓐᓇᕐᓂᖏᓐᓂᒃ ᖃᐅᔨᓴᑕᕐᓂᕐᒥᒃ, ᐃᓕᓐᓂᐊᖅᑐᓕᕆᓂᕐᒥᒃ ᐊᒻᒪᓗ ᐸᖅᑭᔨᐅᖃᑕᐅᓂᖏᓐᓄᑦ ᐃᓄᐃᑦ ᓄᓇᓕᑐᖃᐅᔪᑦ. ᓯᑯ ᑕᒪᓐᓇ ᑐᓴᐅᒪᖃᑦᑕᐅᑎᕝᕕᒃ ᖃᕆᑕᐅᔭᒃᑯᑦ ᐊᑐᖅᑕᐅᔪᓐᓇᖅᑐᖅ ᐅᖓᓯᒃᑐᒥᒃ ᓴᓇᔭᐅᓯᒪᖕᒪᑕ ᐃᓄᖕᓄᑦ ᑐᕌᖓᓗᑎᒡᓗ ᐃᓄᖕᓄᑦ ᐊᑐᖅᑕᐅᔪᓐᓇᕐᓂᖅ, ᐱᑕᖃᕐᕕᐅᒐᒥᒃ ᓴᓇᕐᕈᑎᒃᓴᓂᒃ ᐊᒻᒪᓗ ᐊᑦᑕᕐᓇᖅᑐᓕᕆᓂᕐᒥᒃ ᓯᑯᒦᑐᓐᓇᖅᑐᓂᒃ ᐱᔾᔪᑎᖃᕐᓂᖅ, ᐅᖃᐅᓯᑐᖃᕐᓂᒡᓗ ᐸᐸᑦᑎᕕᐅᒐᓱᐊᕐᓂᕐᒧᑦ ᐊᒻᒪᓗ ᓯᓚᓕᕆᓂᕐᒧᑦ. ᓯᑯᑉ ᑐᓴᐅᒪᖃᑦᑕᐅᑎᕕᖓ ᒪᑯᓂᖓ ᐱᓇᓱᐊᕈᑕᐅᕗᑦ:
- ᑐᑭᓯᒋᐊᕐᕕᐅᔪᓐᓇᕐᓂᖅ ᖃᐅᔨᔪᒪᔪᓄᑦ ᑕᕆᐅᕐᒥ ᓯᑯᒥᒃ ᓯᓚᐅᓪᓗ ᖃᓄᐃᓕᖓᓂᖓᓂᒃ ᐊᒻᒪᓗ ᑐᓂᔭᐅᔪᓐᓇᕐᓂᖅ ᓄᑕᐅᓂᖅᐹᓂᒃ ᓄᓇᖑᐊᕐᓂ ᐱᔪᒪᔪᑦ
- ᐅᓂᒃᑳᓕᐊᓂᒃ ᖃᐅᔨᒪᔭᐅᖁᔭᐅᔪᓂᒃ ᑕᕆᐅᕐᒥ ᓯᑰᑉ ᖃᓄᐃᓕᖓᓂᖓᓂᒃ
- ᐅᓂᒃᑳᖅᑕᐅᓂᖏᓐᓂ ᐆᒪᔪᐃᑦ ᑕᑯᔭᐅᓯᒪᓂᖏᑦ
ᐊᕙᑎᒥᒃ ᐊᕙᑎᒥᐅᑕᓂᒡᓗ ᓯᕗᓪᓕᖅᐹᖅᓯᐅᑎᓂᒃ ᖃᐅᔨᒪᔭᐅᕙᖕᓂᖏᓐᓂᒃ ᐆᒪᔪᐃᑦ ᓇᓃᔅᓲᖑᓂᖏᓐᓂᒃ ᖃᐅᔨᒋᐊᕐᕕᐅᔪᓐᓇᕐᓂᖅ, ᖃᖓᐅᓕᕌᖓᑦ ᐱᐊᕋᖃᓕᖅᐸᖕᓂᖏᓐᓂᒃ, ᐊᑎᖅᑕᖃᕐᓂᖏᓐᓂᒡᓗᓐᓃᑦ ᓄᕐᕆᖃᕐᓂᖏᓐᓂᓗᓐᓃᑦ, ᐊᓯᖏᓐᓂᒡᓗ, ᐃᓚᐃᓐᓇᖏᓃᖃᑕᕐᓂᖏᓐᓂᓗ ᓄᓇᒥ/ᖃᖓᐅᓕᖅᑎᓪᓗᒍᓗ ᐊᕐᕋᒍᒥ ᑕᒪᒃᑭᖅᓯᒪᔪᓐᓇᐅᓐᖏᑦᑐᓂᒃ ᓂᕈᑐᓂᖅᓴᐅᖃᑦᑕᖅᑐᓂᒃ ᐊᖏᓂᖃᕐᓂᖏᓐᓂ ᐊᒻᒪᓗ ᖃᖓᒃᑰᖓᕙᖕᓂᖏᓐᓂᒃ. ᐃᖃᓇᐃᔭᕐᕕᖓᓐᓂ ᐅᑭᐅᖅᑕᖅᑐᒥ ᖃᐅᔨᓴᕐᕕᖕᒥᒃ ᓴᕿᑎᑦᑎᓕᓚᐅᖅᑐᑦ ᐱᓕᕆᐊᖑᓂᖏᓐᓂ ᐱᔾᔪᑎᖃᖅᑐᓂᒃ ᓯᑯᒥ ᑕᐃᔭᐅᔪᓂᒃ ᐅᑭᐅᖅᑕᖅᑐᒥ ᐊᔾᔨᒌᖏᑑᑎᐅᓂᖏᑦ ᐆᒪᔪᐃᑦ ᑐᕌᖓᓪᓗᑎᒃ ᐅᖃᐅᓯᐅᕙᓪᓕᖃᑦᑕᖁᔨᓂᖅ ᑕᑯᔭᐅᖃᑦᑕᕐᓂᖏᑦ ᐆᒪᔪᐃᑦ.
 |
 |
ᖃᓄᐃᑐᑐᐃᓐᓇᕐᓂᒃ ᑕᑯᔭᐅᔪᖃᕌᖓᑦ ᐆᒪᔪᓂᒃ (ᐃᓄᖕᓄᑦ ᓄᓇᓕᖕᒥᓂ, ᓄᓇᒦᓐᓂᖏᓐᓂ ᑕᖕᒫᕐᕕᖏᓐᓂ ᐅᕝᕙᓗᓐᓃᑦ ᐃᖃᓪᓕᐊᖅᓯᒪᓂᖏᓐᓂ ᐊᖑᓇᓱᒋᐊᖅᓯᒪᓂᖏᓐᓂᓗᓐᓃᑦ ᐊᐅᓪᓚᖅᓯᒪᓪᓗᑎᒃ) ᐱᒻᒪᕆᐅᓂᖃᕐᒪᑕ ᐊᑑᑎᓕᐊᓘᔪᓐᓇᖅᑐᑦ ᒪᑯᓂᖓ ᖃᐅᔨᔪᓐᓇᖃᑕᕐᓂᕐᒧᑦ:
- ᐱᑕᖃᓕᕐᓂᖏᓐᓂᒃ ᐆᒪᔪᐃᑦ ᐊᒻᒪᓗ ᐱᕈᖅᑐᑦ ᐊᒥᔅᓲᓂᖏᓐᓂᓗᓐᓃᑦ ᐊᖏᔫᓂᖏᓐᓂᓘᓐᓂᑦ ᓄᓇᒥ
- ᐆᒪᔪᕐᓄᑦ ᓂᕿᒃᓴᕆᔭᐅᕙᖕᓂᖏᑦ (ᐊᔾᔨᓕᐅᖅᑕᐅᓯᒪᔪᓐᓇᒻᒪᕆᒃᑐᑦ ᐃᓇᓗᐊᖏᓂᓃᓚᐅᖅᑐᑦ)
- ᕿᑐᖏᐅᖅᓯᒪᓕᕐᓂᖏᑦ (ᓲᕐᓗ ᐊᒥᓱᓂᖏᑦ ᐊᑎᑕᖃᕐᓂᖏᑦ, ᐱᐊᕋᖃᕐᓂᖏᓘᓐᓃᑦ ᐃᓚᒌᖕᓂᖏᓐᓂ)
- ᐱᑕᖃᕐᓂᖏᑦ ᐊᒥᔅᓲᓂᖏᑦ ᖃᓄᐃᑐᑦ ᐆᒪᔪᐃᑦ ᐅᑭᐅᒃᑯᑦ
ᐃᓚᓕᐅᑎᔪᒪᕖᑦ ᓯᑯᑉ ᓄᓇᓕᖕᓂ ᑐᓴᐅᒪᖃᑦᑕᐅᑎᕕᖓᓄᑦ?
ᐊᑎᓕᖅᑕᐅᔪᓐᓇᖅᑐᑎᑦ ᖃᕆᑕᐅᔭᒃᑯᓪᓗ ᑎᑭᓴᐅᔪᓐᓇᖅᑐᑎᑦ ᓯᑯᑉ ᐊᑐᒐᒃᓴᐅᓂᖓᓂᒃ ᐅᖄᓚᐅᑎᕋᓚᕐᓄᑦ, ᐃᓚᓕᐅᑎᔪᓐᓇᕐᓂᐊᕋᕕᑦ ᑕᐃᑯᓄᖓ ᐅᑭᐅᖅᑕᖅᑐᒥ ᐊᔾᔨᒋᖏᑑᑎᓂᒃ ᐆᒫᔪᓕᕆᓂᕐᒥᒃ ᐱᓕᕆᐊᖑᔪᓂᒃ! ᑕᑯᔪᓐᓇᕐᓂᐊᖅᑐᑎᑦ ᐊᒻᒪᓗ ᐅᖃᐅᓯᖃᕈᓐᓇᕐᓯᓗᑎᒃ ᒪᑯᓂᖓ:
- ᐆᒪᔪᕐᓂᒃ ᑕᑯᕙᒃᑕᕐᓂᒃ ᐊᖑᓇᓱᒋᐊᖅᓯᒪᓪᓗᑎᓗ ᐅᓂᒃᑲᒃᓴᕆᔭᕐᓂᒃ
- ᑕᕆᐅᕐᒥ ᓯᑯᒥᒃ ᑕᑯᓯᒪᔭᕐᓂᒃ ᐊᒻᒪᓗ ᐅᓗᕆᐊᓇᖅᑐᖃᕐᓂᖏᓐᓂᒃ ᐊᑦᑕᕐᓇᖅᑐᖃᖏᓐᓂᒃ ᓯᑯᒥ ᐅᓂᒃᑳᕈᓐᓇᕐᓂᖅ
- ᑕᕆᐅᕐᒥ ᓯᑯᓕᕆᓂᕐᒥᒃ ᐊᒻᒪᓗ ᑕᕆᐅᒥᒃ ᓴᓇᕐᕈᑎᒃᓴᓕᕆᓂᕐᒥᒃ
- ᐃᓄᖃᑎᖕᓄᑦ ᑐᓴᒐᒃᓴᓕᐅᕈᓐᓇᕐᓂᖅ
- ᓄᓇᒥ ᓇᓃᓂᕐᒧᑦ ᖃᐅᔨᒪᔾᔪᑏᑦ ᐊᑐᖅᑕᐅᓗᑎᒃ ᒪᓂᒃᑕᐅᔪᓐᓇᕐᓂᖅ